Ўзбекистон республикаси ташқи ишлар вазирлиги

Agarda jinoyat sodir etgan shaxs tergov yoki suddan yashirinsa:

Ya’ni shaxs jinoyat sodir etishda ayblanuvchi tariqasida ishga jalb qilinganligi haqida xabardor bo’lgan kunidan keyin tergov yoki suddan yashirinsa -

- muddatning o’tishi to’xtatiladi;

- muddat aybdor ushlangan yoki aybini bo’yniga olib arz qilgan kundan boshlab qaytadan tiklanadi;

Agarda, shaxs jinoyat ishida ayblanuvchi tariqasida jalb qilinganligi haqida xabardor bo’lmasdan turib, tergov yoki sudda qatnasha olmasa javobgarlikka tortish muddatlari o’tadi.

- agar og`ir yoki o’ta og`ir jinoyat sodir etgan shaxs yuqoridagi muddatlar o’tmasdan qasddan yangi (jinoyatning ijtimoiy xavflilik darajasi e’tiborga olinmaydi) jinoyat sodir etsa, muddatning o’tishi uziladi.

Bunday holda javobgarlikka tortish muddatlari yangi jinoyat sodir etilgan kundan boshlab hisoblanadi.

- ya’ni, ikkala jinoyati uchun ham javobgarlikka tortish muddati bir vaqtda o’tishi boshlanadi;

- birinchi sodir etgan og`ir yoki o’ta og`ir jinoyat uchun ham javobgarlikka tortish muddatlari qaytadan (yangidan) boshlab hisoblanadi;

- agar shaxs ushbu muddatlar o’tmasdan ehtiyotsizlikdan jinoyat sodir etsa, birinchi sodir qilgan og`ir yoki o’ta og`ir jinoyati uchun javobgarlikka tortish muddatlari uzilmaydi, balki davom etib ketaveradi. Yangi ehtiyotsizlikdan sodir etgan jinoyati uchun ham javobgarlikka tortish muddati alohida hisoblanadi.

Agar ijtimoiy xavfi katta bo’lmagan yoki uncha og`ir bo’lmagan jinoyat sodir etgan shaxs yuqoridagi muddatlar o’tmasdan yangi jinoyat sodir etsa (ayb shakli va sodir etilgan jinoyatning ijtimoiy xavflilik darajasi e’tiborga olinmaydi), ushbu muddatlar har bir jinoyat uchun alohida hisoblanadi.

- ya’ni bunday hollarda birinchi sodir etilgan jinoyat uchun javobgarlikka tortish muddati to’xtatilmaydi, balki davom etaveradi;

- yangi sodir etilgan jinoyat uchun ham javobgarlikka tortish muddati bir vaqtda davom etaveradi.

Agar jinoyat sodir etilgan kundan boshlab - yigirma besh yil o’tgan bo’lsa va shaxs tergov yoki suddan yashiringan bo’lsa ham javobgarlikka tortilishi mumkin emas.