Ўзбекистон республикаси ташқи ишлар вазирлиги

13.7. Xizmat buyicha cheklash jazosi.

Xizmat bo’yicha cheklash deb – sud hukmida ko’rsatilgan muddat davomida harbiy xizmatchini muayyan huquq va imtiyozlardan mahrum qilib, pul ta’minotining ma’lum miqdorini davlat daromadi hisobiga ushlab qolgan holda majburiy xizmatga jalb qilishdan iborat bo’lgan jazo turiga aytiladi.

Ushbu jazo turi faqat quyidagi holatlarda tayinlanadi:

- sud hukmi bilan aybdor deb topilgan xizmatni kontrakt bo’yicha o’tayotgan muddatli harbiy xizmatchilarga nisbatan (ishlaydigan harbiy xizmatchilar);

- JK Maxsus qism moddasida nazarda tutilgan hollarda ikki oydan uch yilgacha bo’lgan muddatga tayinlanadi;

- harbiy xizmatni o’tash tartibiga qarshi jinoyatlar sodir qilinganda tayinlanadi;

- kontrakt bo’yicha harbiy xizmatni o’tayotgan muddatli harbiy xizmatchilarga nisbatan axloq tuzatish ishlari jazosi o’rniga tayinlanadi;

- pul ta’minotining o’n foizidan o’ttiz foizgacha bo’lgan miqdorini davlat daromadi hisobiga ushlab qolishdan iborat bo’ladi.

Mahkum jazoni o’tayotgan vaqtda:

- mahkumning mansabini, harbiy yoki maxsus unvoni oshirilmaydi;

- jazoni o’tagan vaqt esa, uning ko’p yil ishlaganlik, navbatdagi harbiy yoki maxsus unvon hamda pensiya olish uchun asos bo’ladigan xizmat muddatlariga qo’shilmaydi.

Jinoyat qonunida nazarda tutilgan hollarda harbiy xizmatchi (harbiy xizmatni o’tash tartibiga qarshi jinoyatlardan) boshqa bir turdagi jinoyatni sodir etganda va sodir etilgan qilmish:

- ijtimoiy xavfi katta bo’lmagan jinoyatni tashkil qilsa;

- og`ir oqibatlarni keltirib chiqarmagan ehtiyotsizlik orqasidan sodir etilgan jinoyatni tashkil qilgan bo’lsa;

- sodir etgan jinoyati uchun uch yildan ko’p bo’lmagan muddatga ozodlikdan mahrum qilish jazosi tayinlanishi nazarda tutilgan hollardagina sud xizmat bo’yicha cheklash jazosini ozodlikdan mahrum qilish, qamoq, axloq tuzatish ishlari jazosi o’rniga tayinlashi mumkin.