Ўзбекистон республикаси таълими маркази

Енгил атлетика, сузиш, спорт ўйинлари
(Бошланғич тайёрлов ва ўсмир гуруҳларида илгари ўрганилган материалларни такрорлаш).
Тезликни ривожлантириш учун бериладиган машқлар
Ҳар-хил тезлик билан ва турли-туман йўналишга, ҳар-хил дастлабки ҳолатдан қисқа масофани бардош билан енгиш. Турли-туман усулларда “мокисимон” силжитиш (12м) ёнлама қадам ташлаб, ўнг ва чап ёнбош билан, орқа билан олдинга, чалиштирма қадам ташлаб ва б.қ. Ҳар-хил меъёрда тўсиқни айланиб ўтиш билан тўпни олиб юриш. Оралиқ (интерваль) югуриш (5х20-30м).
Эгилувчанликни ривожлантириш учун бериладиган машқлар
Ёнланма қадам ташлаб, ҳамла қилиб, чалиштирма қадамлар, чалғитишлар билан юриш. Ҳамла қилиш ҳолатида пуржинасимон ўтириш. Ҳар-хил текисликда қўл ва оёқда силташ ҳаракатини бажариш. Гавдани олдинга, ён томонга, орқага пуржинасимон энгаштириш.
Чўзилишга оид жуфт-жуфт бўлиб бажарадиган машқлар. Турган жойда ва харакатда бўшаштириш учун бериладиган машқлар.
Чидамлиликни ривожлантириш учун бериладиган машқлар
Вақтинча аста-секин (қиз болалар-3 дақиқа, ўғил болалар-5 дақиқа), югуришни юриш билан алмаштириш. (қиз болалар-5 дақиқа, ўғил болалар–8 дақиқа), кросс (қиз болалар–500м га ва ўғил болалар –1000м га), ва 100м ли этап билан қарама-қарши ва халқали эстафеталар.
30 сек. оралиқ билан 5х30м га югуриш, 500м га тўсиқлар устидан ошиб ўтиб, паст – баланд жойлар бўйлаб югуриш.
Кучни ривожлантириш учун берадиган машқлар
Рақибнинг қаршилик кўрсатиши, тортишиш билан, бир ва икки оёқда ўтириб туриш. Қаршилик кўрсатиш ва чўзилиш билан энгашишлар. Елкада оғирлик билан гавдани буриш. Қўлда осилиб турган ҳолда тортилиш. Тўлдирма тўп билан бажариладиган машқлар (қиз болалар–2кг ва ўғил болалар–3кг гача) ва гантеллар билан ( ўғил болалар–0,5кг то 3кг гача). Арқонга тирмашиб чиқиш. Таяниб ётган ҳолда қўлларни букиш ва ёзиш. Қўлда силжиш. Рақибга қаршилик кўрсатиш билан бажариладиган машқлар. Тўпни куч билан узоққа отиш. Эстафеталар.
Сакровчанлик, эгилувчанликни ривожлантириш учун бериладиган машқлар