Ўзбекистон республикаси сув хўжалиги вазирлиги тизимидаги бюджет ташкилотлари бошқарув, муҳандис-техник ҳамда ишчи ходимлар сони меъёрлари

Ўзбекистон Республикаси
Сув хўжалиги вазирининг
«____» __________2019 йил
_________ - сонли буйруғига
1 – ИЛОВА


ЎЗБЕКИСТОН РЕСПУБЛИКАСИ СУВ ХЎЖАЛИГИ ВАЗИРЛИГИ
ТИЗИМИДАГИ БЮДЖЕТ ТАШКИЛОТЛАРИ БОШҚАРУВ,
МУҲАНДИС-ТЕХНИК ҲАМДА ИШЧИ ХОДИМЛАР СОНИ МЕЪЁРЛАРИ


1-БОБ. Умумий қоидалар

1. Балансида турли мақсадлар бўйича объектлар мавжуд бўлган йирик сув хўжалиги ташкилотларида энг муҳим объектлар учун алоҳида - алоҳида белгиланадиган меъёрлар қўлланилади.

2. Ишлаб чиқариш заруриятидан келиб чиққан ҳолда сув хўжалиги ташкилоти раҳбари, ушбу меъёр бўйича аниқланган мутахассислар сони доирасида, қўшимча мутахассислар лавозимини ёки ишчилар касбини жорий этиши ҳамда ходимларнинг ҳар бир лавозимлар номини ташкилот тизимидаги бўлимлар ўртасида қайта тақсимлаш хуқуқига эга.
3. Бошқарув, муҳандис - техник ва ишчи ходимларнинг меъёрий сони ҳисоби бутун ташкилот бўйича амалга оширилади. Кўрсаткичлар қиймати ҳисобот йили бошида шаклланган ҳолат бўйича аниқланади.
4. Рационал сонларни бутун сон кўринишида яхлитлаш заруриятида - яхлитлаш амалиёти, ходимлар категориясининг сонлари йиғиндиси бўйича амалга оширилади. Оралиқ қийматларда (омилларда) ходимлар сони пропорция тартибида аниқланади.
5. Бошқармаларнинг асосий функцияларига доир ишларни бажарилишида таркибнинг тегишли бўлимлари билан ҳамкорликда иш сутка мобайнида узлуксиз ташкил этилади.
6. Бошқармалар балансида йирик сув хўжалиги объект (каналлар, сув омборлари, гидроузел ва насос станциялар, қудуқлар ва бошқалар)лари мавжуд бўлганда ушбу нормативнинг тегишли бобларида белгиланадиган меъёрлар асосида штат бирликлари режалаштирилади.
2-БОБ. ҚОРАҚАЛПОҒИСТОН РЕСПУБЛИКАСИ СУВ ХЎЖАЛИГИ ВАЗИРЛИГИ
ВА ИРРИГАЦИЯ ТИЗИМЛАРИ ҲАВЗА БОШҚАРМАЛАРИ (ИТҲБ)


7. Қорақалпоғистон Республикаси Сув хўжалиги вазирлиги ва Ирригация тизимлари ҳавза бошқармалари (ИТҲБ) суғориш тармоқларининг узунлиги ва сув ўтказиш қобилиятларига қараб гуруҳланиши