Ўзбекистон республикаси спортни ривожлантириш вазирлиги ўзбекистон давлат жисмоний тарбия ва спорт университети

ЎЗБЕКИСТОН РЕСПУБЛИКАСИ СПОРТНИ РИВОЖЛАНТИРИШ ВАЗИРЛИГИ ЎЗБЕКИСТОН ДАВЛАТ ЖИСМОНИЙ ТАРБИЯ ВА СПОРТ УНИВЕРСИТЕТИ ЖИСМОНИЙ ТАРБИЯ ВА СПОРТ ИЛМИЙ ТАДҚИҚОТЛАР ИНСТИТУТИ

А Х Б О Р О Т Х А Т И


Ҳурматли ҳамкасблар!

Сизга, шуни маълум қиламизки, 2022 йил 8-9 апрел куни Ўзбекистон давлат жисмоний тарбия ва спорт университети Миллий кураш турлари назарияси ва услубияти кафедрасида Ўзбекситон Республикаси Вазирлар Махкамасининг 2022 йил 7-мартдаги 101-фармойиши асосида “Кураш спорт турини ривожлантириш истиқболлари” мавзусидаги Халқаро илмий-амалий анжуман ўтказилади.

Анжуманнинг бош мақсади жисмоний тарбия ва спорт соҳасида ўзаро тажриба алмашиш, халқаро алоқаларни йўлга қўйиш ва ривожлантириш, илмий ва амалий ютуқлар билан ўзаро ўртоқлашиш ҳисобланди.


АНЖУМАН ШЎЪБАЛАРИ:

1. Кураш миллий спорт турини ривожлантиришнинг асосий йўналишлари;

2. Аҳоли ўртасида кураш миллий спортини оммалаштиришнинг назарий-амалий муаммолари;
3. Кураш миллий спорт тури бўйича малакали мутахассислар, тренерлар ҳамда ҳакамлар тайёрлашнинг илмий-ташкилий асослари;
4. Юқори малакали курашчиларни тайёрлаш тизимида инновацион ёндашувлар;
5. Кураш спорт турини нуфузли Халқаро мусобақалар ҳамда Олимпия ўйинлари дастурига киритиш: муаммолар ва ечимлар.
Анжуман тиллари: ўзбек, рус ва инглиз.
Анжуманда иштирок этиш учун юқоридаги муаммога қизиққан, жисмоний тарбия ва спорт тизимида илмий-амалий тадқиқотлар олиб бораётган барча профессор-ўқитувчилар, мураббийлар, мутахассислар, докторантлар, мустақил изланувчилар, магистрантлар, талабалар ҳамда илмий жамоатчилик вакиллари таклиф этилади.
Анжуман материаллари тўплам ҳолда чоп этилади ҳамда тўпламнинг электрон варианти шакллантирилиб (Pdf) университетнинг интернет-саҳифасига жойлаштирилади. Шунингдек, сертификат билан бирга иштирокчининг талабномасида кўрсатилган электрон манзилга юборилади.
Хорижий мутахассисларни анжуманда иштирок этиш харажатлари жўнатувчи ташкилот ёки иштирокчининг шахсий маблағлари ҳисобидан қопланади.