Ўзбекистон республикаси соғЛИҚни сақлаш вазирлиги ўзбекистон республикаси олий ва ўрта махсус таълими вазирлиги

СТЕНОКАРДИЯ 
Таърифи. Стенокардия ёки кўкрак қисиши — юрак соҳасида, тўш орқасида
, 
ўткир, 
хуружсимон оғриқ билан намоён бўладиган, чап қўлга, бўйинга, кураклараро бўшлиқда 
ўтадиган клиник синдромдир. «Стенокардия» атамаси факат ўткир тож томирлар етиш-
мовчилигини ифодалаш учун, «кардиалгия» термини эса кўкрак кафасидаги келиб чиқиши 
жиҳатидан турлича (ўраб оладиган темиратки, қовурғалараро невралгия, миозит, плеврит, 
кардиоспазм ва б.) оғриқ сезгиларини ифодалаш учун қўлланилади. 
Стенокардия асосини юрак мушагининг кислородга эҳтиёжи билан тож томирлар қон 
айланишининг муайян вақт ичида бу эхтиёжни қониқтириш имконияти ўртасидаги 
номувофиқлик ташкил қилади. 
Стенокардия — юрак ишемик касаллигининг турларидан бири, у касалликнинг бирдан-
бир белгиси бўлиши мумкин ёки унинг бошқа турлари — кардиосклероз, постинфарқ т 

---

40
миокар-диосклероз, юракнинг сурункали аневризмаси билан бирга учраши мумкин.
КЛАССИФИКАЦИЯСИ
Беқарор стенокардиянинг классификацияси (Браунвальд). 
• I синф: илк бор келиб чиққан стенокардия (икки ойдан камроқ вақт давомида), оғир ва 
кучайиб борувчи стенокардия бўлиб, охирги икки ой давомида тинч ҳолатда ангиноз 
ҳуружларининг бўлмаганда. 
• II синф: ярим ўткир стенокардия (бу тинч ҳолатдаги стенокардия бўлиб, охирги 48 
соатдан 1 ойгача кузатилади). 
• III синф: ўткир стенокардия (агар охирги 48 соат ичида ҳеч бўлмаганда битта ангиноз 
ҳуружи кузатилган бўлса). 
♦ А синф – касаллик қўзғатувчи иккиламчи омиллар (камқонлик, юқумли касалликлар, 
тиреотоксикоз) билан боғлиқ иккиламчи беқарор стенокардия. 
♦ В синф – бирламчи беқарор стенокардия. 
♦ С синф – инфарктдан кейинги стенокардия (миокард инфаркти ўтказгач, икки ҳафтадан 
камроқ вақтда). 
III B – синф (беқарор стенокардия), тропонин – позитив ва тропонин – негатив вариантларга 
бўлинади. 
Араб рақамлари ўтказилаётган даволаш ишларини кўрсатади. 
• 1 – оз миқдордаги ёки умуман ўтказилмаган даво. 
• 2 – барқарор стенокардияни стандарт даволаш (β-адреноблокаторлар, нитратлар, кальций 
каналларининг блокаторлари) 
• 3 – максимал даво (максимал перорал антиангинал даво ва нитратларни парентерал 
юбориш). 
Беқарор стенокардиянинг клиник турлари. 
• Илк бор келиб чиққан стенокардия. 
• Зўраяётган стенокардия – ангиноз ҳуружларнинг кўпайиши ёки унинг давомийлиги 
ошиши, шунингдек нитратлар самарадорлигининг пасайиши. 
• Тинч ҳолатдаги стенокардия. 
• Вариантли стенокардия (Принцметал стенокардияси) – кўпинча тинч ҳолатда ҳам юзага 
келадиган, чекиш қўзғатадиган ангиноз ҳуружлар. Патогенезда ўткир тож томирлар 
вазоспазмига алоҳида эътибор берилади.