Ўзбекистон республикаси соғЛИҚни сақлаш вазирлиги ўзбекистон республикаси олий ва ўрта махсус таълими вазирлиги

Миокард инфаркти - юрак тож артерияларининг тромб билан тиқилиб қолиши 
натижасида ва миокарднинг озиқлана олмай некрозга учрашидир. Ёши улуғ ва кекса ёшдаги 
беморларда миокард инфаркти кўпроқ учрайди. Бунга сабаб: 
1. Қоннинг ёшга алоқадор биохимик ўзгаришлари ва қуйилишга мойиллиги. 
2. Юрак қон томирларида ёшга алоқадор склероз натижасидаги ўзгаришлар. 
3. Гемодинамиканинг ёшга алоқадор ўзгаришлари. 
Клиник кўриниши: 
Миокард инфаркти клиникасида ўзига хос фарқлар мавжуд. Оғриқ кучли бўлмаслиги, 
иррадиация ва жойи турлича бўлиши мумкин. Ёш ўтган сари инфарктнинг атипик 
формалари кўпроқ кузатилади. Масалан, абдоминал, гастралгик, астматик, аритмик, 
церебрал формалари. Ёши улуғ беморларнинг 35% да ва кексаларнинг 40%да инфарктнинг 
оғриқсиз формаси кузатилади. 
Бундай беморларда касаллик якуни ёмон бўлиб, бош мияда қон айланишининг 
бузилиши, қайта такрорланувчи инфаркт ривожланиши мумкин. Юрак етишмовчилиги ва 
кардиоген шок фақат биринчи куни эмас, кейинги кунлари ҳам пайдо бўлиши мумкин, бу эса 

---

77
буйрак етишмовчилигига, ва ишемик инсультга олиб келади. Касаллик асоратларидан юрак 
ритмининг бузилиши, миокард ёрилиши ва чап қоринча билан ўнг қоринча орасидаги тўсиқ 
ёрилиши, тромбоэмболик асоратлар, юрак аневризмаси ривожланиши касаллик оқибатини 
ёмонлаштиради. 
Миокард 
инфарктидан 
ўлган 
беморларнинг 60% касалхонага 
ётқизилгунгача ҳалок бўлади. 
Кексаларда миокард инфарктнинг кечишида ўзига хос белгилардан яна бири, майда 
ўчоқли инфарктни йирик ўчоқли инфарктга нисбатан кўпроқ учраши ва 60 ёшдан кейин 20-
22% ҳолатларда инфаркт қайталанишидир. 
 
Текширув: 
Кексаларда миокард инфаркти атипик формада кечганлиги сабабли уни аниқлашда 
электрокардиография усули ёрдам беради. Бунда Т – тишча манфий бўлиб қолади, патологик 
Q – тишча пайдо бўлади, ST кесма изоэлектрик чизиқдан юқорига ёки паст томонга
сурилади.