Ўзбекистон республикаси соғЛИҚни сақлаш вазирлиги тошкент тиббиёт академияси

3. Машғулот вазифалари.
- Талабаларни ташқи ва ички нафас олиш билан таништириш.
-Талабаларга нафас олиш аъзоларни текширишдаги диагностика мақсадида ва даволашдаги инструментал усул ҳақида гапириб бериш.
-Талабаларга спирометрнинг ишлаш принципини тушунтириш.
-Ташқи нафас олишнинг асосий кўрсаткичларини кўриб чиқиш.
-Талабаларга спирография усулни таништириш ва спирограммани таҳлил қилишни ўргатиш.
-Талабаларга ташқи нафас олиш функциясини текширувчи “Custo Vit”(Германия) аппаратининг ишлаш принципи билан таништириш.
-Талабаларга ташқи нафас олиш функциясининг асосий кўрсаткичларини тўғри таҳлил қилишни ўргатиш.
-Талабаларни пневмотахометрия усули билан таништириш.
-Оксигемометрия усули билан таништириш.
-Бронхоскопия усули билан таништириш.
-Бронхография ва томография усули билан танишиш.
-Нафас етишмовчилиги ҳақида тушунча бериш.
-Нафас олиш етишмовчилиги даражасини ва турларини кўриб чиқиш.


4. Кутилаётган натижалар.
Талаба билиши керак:
1. Ташқи ва ички нафас олиш ҳақида тушунчага эга бўлиши керак.

2. 
   Спирограммадаги ташқи нафас олишнинг асосий кўрсаткичларни билиши зарур
   
3. 
   Уларни тўғри таҳлил қилишни билиши керак
   
4. 
   Нафас олиш етишмовчилигига олиб келувчи сабабларни тушуниши зарур
   
5. 
   Нафас олиш етишмовчилигининг даражасини ва турларини билиши керак
   
6. 
   Пневмотахометр ва оксигемометрнинг ишлаш принципини билиши керак.
   
7. 
   Оксигемометр ёрдамида қондаги кислород миқдорини аниқлашни билиши керак.
   
8. 
   Бронхоскопия тўғрисида тушунчага эга бўлиши керак
   
9. 
   Бронхография усулини ўтказилиш тартибини билиши зарур
   
10. 
    Ўпкани рентгенологик текшириш усули ҳақида тушунчага эга бўлиши керак.
    

5. Машғулот мазмуни


5.1. Нафас олиш аъзоларни ташхислашда ва даволашда инструментал усулнинг аҳамияти.
Инструментал усуллар ёрдамида беморларни текшириш ҳозирги замон тиббиётида жуда кенг қўлланилади. Улар клиник усулларини тўлдириб, тўғри диагноз қўйишда ёрдам беради. Инструментал усулни диагностикада тўлиқ ишлатиш учун ҳар бир текшириш усуллари ҳақада тушунчага эга бўлиш керак. Функционал усул усуллари ўпка ва бронх касалликлари билан оғриган беморларда комплекс текшириш олиб боришда катта аҳамиятга эга. Ҳамма усуллар ҳам нафас олиш етишмовчилигига олиб келувчи касалликларга диагноз қўйишда яхши Самара бермайди, лекин клиник симптомлар ҳали юзага чиқмасдан олдин шу касалликка мойиллигини , бу етишмовчиликнинг типини, характерини ва даражасини аниқлаши мумкин.