Ўзбекистон республикаси соғЛИҚни сақлаш вазирлиги тошкент фармацевтика институти 14 маъруза мавзу

Аликвота – пипеткада титрлаш учун олинган қисм ёки улуш. Титрлашнинг охирги нуқтаси (ТОН) – титрлаш жараёнида индикатор ранги кескин ўзгарадиган ҳолати. Индикатор – титрлашнинг охирги нуқтасини аниқлашга имкон берувчи модда. Титрлаш эгрилиги - таҳлил қилинувчи модда (Х) концентрацияси ўзгариши билан қўшилган титрант (Т) ҳажми орасидаги боғлиқлик графигидир. Титриметрияда қўлланадиган реакцияларга қўйилган талаблар: 1.Реакция қатъий стехиометрик нисбатда, қўшимча жараёнларсиз борсин. 2.Реакция охиригача бориши керак. (Кмув 108 ) 3. Реакция тез бориши керак. ( to , катализатор) 4. ТОН ни аниқлаш имкони бўлсин.

Усул таснифи Қўлланадиган реакция турига кўра: 1.Кислота-асосли (нейтралланиш) 2.Оксидланиш-қайтарилиш (редоксиметрия) 3.Чўктириш 4.Комплексиметрия Титриметриянинг авзаллиги – содда, тезкор усул. Аниқлилиги – 0,2 % ташкил этади. Камчилиги – гравиметрияга нисбатан аниқлилиги кам.

2. Титриметрик таҳлилда қўлланадиган эритмалар

• Титриметрияда аниқ концентрацияли эритмалар тайёрлаш учун стандарт (бошланғич) моддалар ишлатилади. Стандарт моддалар 1 чи ва 2 чи стандарт модда ва фиксоналга ажратилади. Стандартлаш учун ишлатилган кимёвий тоза модда бирламчи стандарт модда дейилади.
• Бирламчи стандарт моддаларга талаб:
• 1.Таркиби кимёвий формуласига мос келиши
• 2.Хавода туриши натижасида турғун бўлсин.
• 3. Эквивалент моляр массаси катта бўлсин
• 4. Кимёвий тоза бўлсин.
• 5. Сувда яхши эрисин.

Тайёрлаш: Бирламчи стандарт моддадан аналитик тарозида тортим тортиб (аниқлиги ± 0,0002 г) олиб, ўлчов колбасида эритилади ва аниқ концентрацияли эритма тайёрланади. Улар титрант сифатида ёки титрантлар концентрациясини аниқлашда (стандартлашда) ишлатилади. Тортимни ҳисоблаш формуласи: а=Э*N*W/1000; N=(m1-m2)*1000/Э*W N-эритма концентрацияси; W-ўлчов колба хажми(см3) m1-m2- аниқ масса(г) Бирламчи стандарт модда сифатида Na2B4O7 ∙10H2O; Na2CO3, H2C2O4 ∙2H2O, K2Cr2O7, KBrO3 ва бошқалар ишлатилади.