Ўзбекистон Республикаси Соғлиқни сақлаш вазирининг

Комбинацияланган терапия.
Комбинацияланган терапия беморга дориларнинг 
турли хил таъсир усулларидан фойдаланишга, шунингдек ҳар бир дори дозасини 
камайтириш орқали ножўя таъсирини камайтиришга имкон беради.
 

Папаверин (20-80 мкг) интракаверноз инъекция учун ишлатиладиган биринчи дори 
бўлган. Ҳозирги вақтда монотерапияда ножўя таъсирининг юқори частотаси 
туфайли фақат комбинацияланган терапияда қўлланилади. Папаверин ЭДни 
даволаш учун руйхатдан ўтказилмаган.

---

239 

Фентоламин самарадорликни ошириш учун комбинацияланган даволашда 
қўлланилади. Монотерапияда ЭДни даволашда унинг самарадорлиги паст. 

Илмий адабиётларда одатда асосий дорилар билан биргаликда қўлланилувчи 
вазоактив инстестинал пептидлар, NO донаторлари (лензидомин), форсколин, 
калий каналлари фаоллаштирувчилари, моксикилит ёки калцитонин гени билан 
боғлиқ пептид каби бошқа дориларни қўллашни қўллаб-қувватловчи далиллар 
чекланган [223, 224]. Кўпгина комбинациялар стандартлаштирилмаган ва баъзи 
дорилар дунёнинг кўплаб мамлакатларида чекланган. 

Папаверин (7,5–45 мг) фентоламин (0,25–1,5 мг) билан биргаликда ва папаверин 
(8–16 мг) фентоламин (0,2–0,4 мг) плюс алпростадил (10–20 мкг) билан биргаликда 
кенг қўлланилади ва уларнинг самарадорлик кўрсаткичлари ошиб бормоқда, гарчи 
улар ЭДни даволаш учун лицензияланмаган дорилар бўлса ҳам [225, 226]. 
Папаверин, фентоламин ва алпростадилнинг уч карра бирикмаси энг юқори 
самарадорлик кўрсаткичига эга бўлиб, 92% га етади. Ушбу бирикма алпростадил 
монотерапияси билан бир хил ножўя таъсирга эга бўлади, аммо иккинчисининг 
паст дозалари туфайли жинсий олатни оғриши частотаси камайади. Лекин 
папаверин билан солиштирганда кўп ҳолларда фиброз ривожланган (5–10%) (тўлиқ 
дозанинг ҳажмига кўра).

Вазоактив интестинал пептид (25 мкг) + фентоламин мезилат (1–2 мг) (Invicorp, 
ҳозирда Скандинавияда рўйхатдан ўтказилган) бир бирини тўлдирувчи таъсир 
механизмига эга иккита фаол компонент комбинациясидир. Клиник тадқиқотларда
ЭДли эркакларда, жумладан бошқа дори воситалари ёрдам бермайдиган 
беморларда интракаверноз инъекция учун ушбу комбинация самарадор эканлиги 
кўрсатилган. Бошқа интракаверноз терапия вариантларидан фарқли ўлароқ ушбу 
комбинацияда жинсий олатдаги оғриқ частотаси паст ва приапизм ривожланиш 
хавфи деярли нолга тенг [227].
Юқори 
самарадорликка 
қарамай, 
беморларнинг 
5-10% 
интракаверноз 
инъекцияларнинг комбинациясига жавоб бермайдилар. Силденафилни уч марталик 
схеманинг интракаверноз инъекцияси билан комбинацияси фақат уч марталик схемага 
жавоб бера олмаган беморларнинг камида 31 %да самарали бўлиши мумкин [228]. Шу 
билан бирга, комбинацияланган терапия беморларнинг 33 %да ножўя таъсирлар, шу 
жумладан беморларнинг 20 %да бош айланиши билан боғлиқ. Ушбу тактикадан фақат 
синчковлик билан ажратиб олинган беморларда жинсий олатни протезлашдан олдин
фойдаланиш керак.