Ўзбекистон Республикаси Соғлиқни сақлаш вазирининг

1.3.2. Махсус ташхислаш тестлари 
ЭД мавжуд бўлган беморларнинг аксарияти сексологик ёрдам доирасида 
даволаниши мумкин, аммо уларнинг баъзиларига махсус ташхислаш тестларидан ўтиш 
талаб қилиниши мумкин (3 ва 4-жадваллар). 
1.3.2.1. Жинсий олатнинг тунги тумесценцияси ва ригидлилиги
Жинсий олатнинг тунги тумесценцияси ва ригидлилигини баҳолаш камида 2 кеча 
давомида амалга оширилиши керак. Эрекциянинг пайдо бўлиши ва жинсий олатнинг ҳеч 
бўлмаганда 60% даражадаги қаттиқлигининг 10 дақиқа ва ундан кўпроқ вақт давомида 
сақланиб қолиши эректил механизмининг сақланиб қолганлигини кўрсатади [109]. 
1.3.2.2. Интракаверноз инъекциялар билан тест 
Интракаверноз инъекциялар билан тест қон томирларининг ҳолати тўғрисида тўлиқ 
маълумот бермайди. Тестнинг ижобий натижаси интракаверноз инъекциядан 10 дақиқа 
ўтгач пайдо бўлган ва 30 дақиқа давом этган эрекциянинг қаттиқлиги (жинсий олатни 
эгилмаслиги) деб ҳисобланади [110]. Ушбу тест ташхис қўйиш учун етарли эмас ва 
жинсий олат артерияларининг дуплекс ультратовуш текшируви зарур. 
1.3.2.3. Жинсий олат артерияларининг дуплекс УТТ 
Агар артериал систолик босимнинг максимал қиймати 30 мм сим. уст.дан, охирги 
диастолоик тезлик 3 см/сдан кичик ва резисдентлик индекси 0,8 дан юқори бўлса, у ҳолда 
бу босим нормал ҳисобланади [111, 112]. Дуплекс текширувнинг нормал натижаларида 
қон-томир тизимини қўшимча текширувлари талаб қилинмайди. 
1.3.2.4. Артериография ва динамик инфузион кавернозометрия ёки 
кавернозография. 
Артериография ва динамик инфузион кавернозометрия ёки кавернозография фақат 
реконструктив қон томир жарроҳлиги ўтказилиши режалаштирган беморларда 
ўтказилиши керак [113]. Оҳирги нашр этилган адабиётларда муаллифлар томонидан ЭД ва 
пенил артериянинг алохида стенози бор беморларда ўтказилиши режалаштирилаётган 
ангиопластикадан олдин КТ-ангиографияни қўллаш таклиф этилган [114].