Ўзбекистон Республикаси Соғлиқни сақлаш вазирининг

Симптомлари 
Простата бези хавфсиз гиперплазиясининг белгилари уретранинг қисилганида 
пайдо бўлади. Дастлабки босқичларда симптомлар кам ифодаланган бўлади. Эркак киши 
эрталаб сийдик чиқарганда, қорин мушакларини зўриқтириши кераклигини, сийдик оқими 
заифлашганлигини сезади. Кундузи ҳожатхонага боришга иштиёқ кучаяди, бемор тунда 1-
2 марта эҳтиёжига кўра уйғонади. 
Касаллик ривожланишининг кейинги босқичларида «сийдикнинг парадоксал 
тутилиши» – беморнинг кучли истагига қарамай қовуқни мустақил бўшата олмаслик 
юзага келади. Бунда сийдик ўз-ўзидан томчилаб чиқади. Сийдик найларининг кенгайиши 
ва қовуқ ичи босимининг кўтарилиши туфайли ретроград сийдик оқими пайдо бўлиб, 
буйрак етишмовчилиги ривожланади. 
Сабаблари 
Простата бези аденомасининг ривожланишидаги асосий қўзғатувчи омил қариётган 
эркак организмига гормонларнинг таъсиридир. Хавф омиллари қуйидагилар бўлиши 
мумкин: 

Семириш. Висцерал ёғ тўпланиши қонда эстрадиол даражасини оширади. Ушбу 
гормон тестостеронни простата безидаги гиперпластик жараённи фаоллаштирувчи 
фаол шаклига (дегидротестостеронга) ўтишини стимуллайди. 

Қандли диабет. Ушбу касалликнинг фонида қон томирларининг шикастланиши 
кузатилади, бу эса микроциркуляция бузилишини кучайтиради. Тўқималарда 
глюкоза концентрациясининг ошиши простата ҳужайраларининг бўлинишига 
ёрдам беради. 

---

209 

Нотўғри овқатланиш. Ёғли овқатлар ва қизил гўштни суиистеъмол қилиш ПБХГ 
ривожланишининг сабабчилари деб тан олинган. Ушбу омиллар таъсирининг аниқ 
механизми номаълум. Зарарли овқатланиш одатлари гормонал касалликларни 
келтириб чиқаради деб ҳисобланади. 

Генетик мойиллик. Аденомага мойиллик авлоддан авлодга ўтиши мумкинлиги 
исботланган. 
Даволаш усуллари 
Простата безининг хавфсиз гиперплазиясининг терапевтик тактикаси беморнинг 
ёшига, ҳолатига ва ёндош патологиянинг мавжудлигига боғлиқ. Касаллик 
ривожланишнинг дастлабки босқичларида кузатув тактикаси ёки консерватив усуллардан 
фойдаланилади. Охирги босқичларида жарроҳлик йўли билан даволаш кўрсатилади.