Ўзбекистон Республикаси Соғлиқни сақлаш вазирининг

Сийиш кундаликлари ва қовуқ кундаликлари 
Беморнинг ҳар бир сийиш ҳажми ва вақтини қайд этиб бориши сийиш кундалиги 
деб аталади. Агар у суюқликни истеъмол қилиш, тагликни ишлатиш, беморнинг ёзувни 
киритиш вақтидаги фаолияти ёки симптомлар шкаласи каби қўшимча маълумотларни ўз 
ичига олса, у қовуқ кундалиги деб ҳам аталади. Сийиш кундалиги орқали баҳолаш 
мумкин бўлган параметрларга сийдик чиқариш частотаси, диурезнинг умумий ҳажми, шу 
жумладан тунги полиурия индекси деб номланувчи тунги диурез улуши ва сийдик 
чиқаришнинг ҳар бир порцияси киради. 
Сийиш кундаликларини олиб бориш давомийлиги уч кун ёки ундан кўпни ташкил 
қилиши керак. 
Тавсиялар 
ТД 
Сийиш кундалиги ёки қовуқ кундалиги тўплаш симптомлари ифодаланган ёки 
никтурия бўлган эркакларда қўлланилиши керак 
Кучли 
Сийиш кундаликлари камида 3 кун давомида тўлдирилиши керак 
Кучли 

---

171 
2.2.
Физикал теширув 
Физикал текширув ПСЙСнинг потенциал сабабларини аниқлашга қаратилган 
бўлиши ва қов усти соҳаси, ташқи жинсий аъзолар, оралиқ соҳа ва оёқларга алоҳида 
эътибор берилиши керак. Уретрадан чиқувчи ажралма, фимоз, меатостеноз жинсий олат 
раки мавжудлигини истисно қилиш керак. 
Простата безининг бармоқ билан ректал текшируви.
Бу текширувни ўтказиш 
давомида простата безининг ўлчами, консистенцияси ва оғриқ мавжудлиги, ўрта 
эгатчанинг ифодаланганлиги, тўғри ичак шиллиқ қаватининг без устида ҳаракатланиши ва 
тўғри ичак сфинктерининг тонуси аниқланади. Простата бези ассиметрияси, зичланган 
жойлари, тоғайсимон консистенция зоналарининг мавжудлиги қўшимча текширув 
ўтказиш учун асос бўлиб, унинг мақсади простата бези ракини истисно қилишдан
иборатдир. Тўғри ичак сфинктери тонусининг бузилиши сийдик чиқаришдаги 
бузилишларнинг неврологик этиологияси ҳақида далолат бериши мумкин.