Ўзбекистон Республикаси Соғлиқни сақлаш вазирининг

3.1.
Динамик кузатув – аҳлоқий терапия. 
ПБХГнинг кўпгина ҳолатларида ПСЙС намоён бўлмаслиги мумкин ёки 
симптомлар енгил тарзда кечиши мумкин. Бундай ҳолларда, номедикаментоз консерватив 
терапия, яъни динамик кузатув усули қўлланилиши мумкин. Динамик кузатув бир нечта 
таркибий қисмлардан иборат: ўқитиш, руҳий ёрдам, даврий текширувлар ва ҳаёт тарзи 
бўйича тавсиялар. 
Ҳар қандай терапияни бошлашдан олдин, ПСЙС бўлган барча эркаклар мумкин 
бўлган асоратларни аниқлаш ва уларни даволашни тайинлаш учун мажбурий 
текширувдан ўтишлари керак. Динамик кузатув кам ва ўрта даражада ифодаланган, 
асоратланмаган (соғлиқ учун хавф туғдирмайдиган) ПСЙС бўлган эркаклар учун тавсия 
этилади. 
Ҳаёт тарзи ва ҳулқ-атворидаги кичик ўзгаришлар симптомларни яхшилашга 
ижобий таъсир кўрсатиши ва медикаментоз ёки жарроҳлик йўли билан даволашни талаб 
қиладиган бемор ҳолатининг ёмонлашувини олдини олиши мумкин. Ҳаёт тарзи бўйича 
тавсиялар мажбурий ёки ихтиёрий тавсияларга ажратиш мумкин. Эркаклар учун қуйидаги 
тадбирларни амалга ошириш тавсия этилади: 

сийдик чиқариш частотасини камайтириш учун суюқликни истеъмол қилишни 
камайтириш, бу тунда ёки жамоат жойларида сийишга бўлган эҳтиёжни бартараф 
қилади. Суюқликни истеъмол қилишнинг тавсия этилган ҳажми кунига 1,5 литрни 
ташкил қилади, уни камайтирмаслик керак; 

диуретик ва қўзғатувчи таъсирга эга бўлган кофеин ва спиртли ичимликларни 
истеъмол қилишни чеклаш, бу сийдик миқдорининг кўпайишига ва сийдик 
чиқариш частотасининг, сийиш учун истакнинг кўпайишига ва никтуриянинг 
ифодаланганлигининг ошишига олиб келади; 

релаксация ва икки марта сийдик чиқариш усулларидан фойдаланиш; 

сийдик чиқаргандан кейин сийдикни томчилаб чиқармаслик учун сийдик чиқариш 
каналини бўшатиш; 

жинсий олатни сиқиш, нафас олиш машқлари, чалоқ тубу мушакларининг 
қисқариши, диққатни қовуқ ва ҳожатхонадан бошқа нарсага қаратиш каби 
чалғитувчи усуллардан фойдаланиб, безовта қилувчи симптомларни осонроқ 
назорат қилиш мумкин; 

қовуқнинг қайта машқини ўтказиш – қовуқнинг ҳажмини (400 мл гача) ва сийиш 
орасидаги вақтни ошириш учун истак пайдо бўлганда сийдик чиқаришни тутиб 
туриш керак; 

бемор томонидан қабул қилинадиган дорилар рўйхатини қайта кўриб чиқиш ва 
уларни қабул қилиш вақтини оптималлаштириш ёки уларнинг сийдик чиқариш 
тизимига кам таъсир кўрсатадиган аналоглари билан алмаштириш; 

эпчиллик, ҳаракатчанлик етарли даражада бўлмаса ёки руҳий бузилишлар мавжуд 
бўлса зарур ёрдамни кўрсатиш; 

қабзиятни даволаш. 

Ҳар 6-12 ойда уролог текширувидан ўтиш. 

---

179