Ўзбекистон Республикаси Соғлиқни сақлаш вазирининг

Эректил дисфункцияни нима келтириб чиқаради? 
Сабаблари ҳам жисмоний, ҳам психологик (психоген) бўлиши мумкин. Кўпчилик 
кекса эркакларда ЭД юрак ва қон томир касалликлари билан бирга келади. Бошқа 
сабабларга дорилар, асаб тизимидаги муаммолар, гормонлар танқислиги, диабет, 
гипертония ва чекиш киради. Психоген ЭД эмоционал муаммолар натижасида келиб 
чиққан бўлиб, анча кенг тарқалган ва уни ташхислаш қийинроқ. 
Эректил дисфункциянинг симптомлари қандай? 
Асосий симптом – бу жинсий алоқанинг охиригача эрекцияга эришиш ёки уни 
ушлаб туришнинг иложи йўқлиги. 
Агар сабаб психологик бўлса, эркаклар хавотирлик, кайфиятнинг ўзгариши, 
депрессия, уйқусизлик ва жинсий фаоллик билан боғлиқ қўрқув ҳолатлари келиб чиқиши 
мумкин. Агар сабаб жисмоний бўлса, тиббий касаллик аломатлари оёқларда қон 
айланишининг ёмонлашиши, кўкрак қафасидаги оғриқлар ёки жисмоний машқларда 
нафас олиш қийинлишуви (юрак касаллиги эҳтимоли) бўлиши мумкин. Қандли диабет 
кўпинча ЭД билан боғлиқ. 
Эректил дисфункция қандай ташхисланади? 
Тиббий ходим турли вақтларда эрекцияларнинг сақланиши ва давомийлиги 
тўғрисида сўрайди (масалан, шерик билан жинсий алоқа, уйқудан кейинги эрекция). 
Тиббий ходим билан жинсий дисфункцияни муҳокама қилиш жуда муҳимдир, чунки уни 
келтириб чиқарадиган кўплаб шароитлар муваффақиятли даволаниши мумкин. Агар 
эркакда ЭДни келтириб чиқарадиган тиббий касаллик бўлмаса ва уларда мастурбация ёки 
эрта тонгда уйғониш билан эрекция содир бўлиши мумкин бўлса, эҳтимол у психологик 
сабабларга кўра ЭДга эга бўлади. 
Эректил дисфункция қандай даволанади? 
ЭДнинг жисмоний сабаблари бўлган эркаклар учун даволаш усуллари, жумладан 
силденафил (Виагра®), варденафил (Левитра®) ёки тадалафил (Cиалис®) каби дорилар 
мавжуд. Нитроглицеринли маҳсулотлардан фойдаланадиган эркаклар ва юрак-қон томир 
касалликлари сабабли жинсий фаолликдан ўзини олиб қочадиган эркаклар ушбу 
дориларни қабул қилмасликлари керак. Бошқа муолажаларга вакуум насосидан 
фойдаланиш ёки жинсий олатни қон оқимини ошириш учун жинсий олатга инъекция
моддаларини (папаверин) юбориш киради. Шунингдек, эркакларда жинсий олатни ичига 
протез ўрнатиш жарроҳлиги ҳам ўтказилиши мумкин.