Ўзбекистон Республикаси Соғлиқни сақлаш вазирининг

5.5.1. Эркакларнинг қўшимча жинсий безлари инфекциялари ва бепуштлик 
Эркакларда урогенитал тракт инфекциялари эркаклар бепуштлигида потенциал 
даволаниши мумкин бўлган касалликлар қаторига киради. ЖССТ тавсияларига мувофиқ 
уретрит, простатит, орхит ва эпидидимит фарқланади. Уларнинг барчаси умумий 
концепция билан бирлаштирилган - эркакларнинг қўшимча жинсий безлари 
инфекциялари. Бироқ, инфекцияларнинг эякулят сифатига ва эркакларнинг фертиллигига 
салбий таъсирини тасдиқловчи тўғридан-тўғри далиллар мавжуд эмас. 
Сурункали простатитни даволаш одатда касаллик симптомларини йўқ қилишга 
қаратилган. Урогенитал трактдаги яллиғланиш жараёнлари бўлган эркакларда эякулят 
таркибида бузилишлар бўлса, андрологнинг тайинлаган кўрсатмалари қуйидагиларга 
қаратилган бўлиши керак: 

простата секрецияси ва эякулятда микроорганизмлар сонининг камайиши ёки йўқ 
қилиниши; 

яллиғланишнинг лаборатор кўрсаткичларини (масалан, лейкоцитлар) ва секретор 
функциясини нормаллаштириш; 

бузилган фертилликни тиклаш учун эякулят кўрсаткичларини яхшилаш. 
Даволаш антибиотиклар, яллиғланишга қарши дори воситалари, жарроҳлик 
муолажалари, уродинамикани нормаллаштириш, физиотерапия, турмуш тарзи ва жинсий 
ҳулқ атворини ўзгартиришни ўз ичига олади. 
Сурункали простатитда фақат антибиотиклар билан даволаш (СБП, NIH II) 
касаллик симптомларини йўқ қилиши, патоген микроорганизмларнинг эрадикациясини 
таъминлаши ва урогенитал секрецияларда яллиғланишнинг ҳужайра ва гуморал 
параметрларини камайтириши мумкин. Касаллик симптомларини йўқ қилиш учун альфа-
адреноблокаторлардан фойдаланиш мунозарали ҳисобланади. Антибиотиклар эякулят 
сифатини яхшилаши мумкин бўлса-да, сурункали простатитни даволаш уруғлантириш 
қобилиятини ошириши ҳақида ҳеч қандай далиллар йўқ. 

---

279 
Эпидидимит. 
Мояк ортиғининг яллиғланиши бир томонлама оғриқ ва шиш билан 
намоён бўлади, одатда, у ўткир бошланишга эга. 35 ёшгача бўлган жинсий фаол эркаклар 
орасида эпидидимит кўпинча 
Chlamydia trachomatis
ёки 
Neisseria gonorrhoea
томонидан 
келиб чиқарилади. Жинсий йўл билан ўтадиган эпидидимит одатда уретрит билан бирга 
кечади. Жинсий йўл билан юқадиган инфекциялар билан боғлиқ бўлмаган эпидидимит 
сийдик йўли инфекциялари билан боғлиқ бўлиб, эндоуретрал муолажалар, сийдик 
йўллари жарроҳлиги ўтказилган ёки сийдик йўлларининг аномалиялари бўлган ёши 35дан 
катта эркакларда учрайди.