Ўзбекистон Республикаси Соғлиқни сақлаш вазирининг

4.3. 
Кузатув 
Симптомларсиз беморларда мунтазам сийдик таҳлили ёки сийдик экмаси 
текширувларини ўтказиш тавсия этилмайди. 
4.4. 
Тиббий ёрдам сифатини баҳолаш мезонлари 
СЙ инфекциясига чалинган беморларни даволашда тиббий ёрдам сифатини 
баҳолаш мезонлари қуйидагилардир: 

даволаш бошлангунга қадар бўлган умумий клиник белгиларнинг яхшиланиши 
(юқори температура, совуқ қотиш, ҳолсизлик, бош айланиши, кўнгил айниш ва 
иштаҳанинг бузилиши кўринишидаги интоксикация белгилари); 

маҳаллий симптомларнинг йўқолиши (ёнбошдаги ва қов устидаги оғриқ, дизурия, 
сийдик рангининг ўзгариши); 

лаборатор кўрсаткичларнинг яхшиланиши ва нормаллашиши (қоннинг клиник 
таҳлилида лейкоцитознинг камайиши, лейкоцитар формуласининг нормаллашиши, 
ЭЧТ нинг пасайиши; сийдик таҳлилида лейкоцитуриянинг каррали камайиши, 
сийдик чўкиндисида тирик бактерияларнинг йўқ бўлиб кетиши). 

---

113 
5
. АСОРАТЛАНГАН СИЙДИК ЙЎЛЛАРИ ИНФЕКЦИЯЛАРИ 
5.1. 
Кириш 
Асоратланган СЙИ умумий хавф омиллари (масалан, қандли диабет ёки 
иммуносупрессия) ёки сийдик йўлларининг ўзига хос анатомик ёки функционал 
бузилишлари (обструкция, детрузор-сфинктер дисфункция туфайли сийдикнинг тўлиқ 
чиқмаслиги) асоратланмаган СЙИ га қараганда инфекциялар эрадикациясини 
қийинлаштирадиган ҳолатлари кузатиладиган беморларда ривожланади [12-14]. 5-
жадвалда асоратланган СЙИ сабаблари сифатида умумий қабул қилинган омиллар 
келтирилган. Асоратланган СЙИ гуруҳига турли хилдаги фон ҳолат кўринишлари киради, 
шунинг учун беморнинг хусусиятлари бир-биридан жуда катта фарқ қилиши мумкин. Шу 
сабабли, асоратланган СЙИ ташхислаш ва даволаш учун стандарт ёндашув самарасизлиги 
аниқ, гарчи кўп ҳолларда даволашнинг умумий тамойилларини қўллаш мумкин бўлади. 
Қуйидаги тавсиялар Антибактериал даволаш бўйича Германия ишчи гуруҳининг Stichting 
Werkgroep Antibioticabeleid (SWAB) тавсияларига асосланади [15].