Ўзбекистон республикаси соғЛИҚни сақлаш

213-модда. Давлат органининг, давлат иштирокидаги 
ташкилотнинг ѐки фуқаролар ўзини ўзи бошқариш 
органининг хизматчисини пора эвазига оғдириб олиш 
Давлат органининг, давлат иштирокидаги ташкилотнинг ѐки фуқаролар ўзини 
ўзи бошқариш органининг хизматчисига мазкур хизматчининг ўз хизмат мавқеидан 
фойдаланган ҳолда содир этиши лозим ѐки мумкин бўлган муайян ҳаракатни уни пора 
эвазига ўзига оғдириб олаѐтган шахс манфаатларини кўзлаб бажариши ѐки 
бажармаслиги эвазига қонунга хилоф эканлигини била туриб, моддий қимматликлар 
бериш ѐки уни мулкий манфаатдор этиш, шундай ҳаракатлар учун маъмурий жазо 
қўлланилганидан кейин содир этилган бўлса, - 
энг кам ойлик иш ҳақининг эллик бараваригача миқдорда жарима ѐки уч юз 
соатгача мажбурий жамоат ишлари ѐхуд икки йилгача ахлоқ тузатиш ишлари билан 
жазоланади. Ўша ҳаракатлар анча миқдорда содир этилган бўлса, - 
энг кам ойлик иш ҳақининг эллик бараваридан юз бараваригача миқдорда 
жарима ѐки уч юз соатдан уч юз олтмиш соатгача мажбурий жамоат ишлари ѐки икки 
йилдан уч йилгача ахлоқ тузатиш ишлари ѐхуд бир йилдан уч йилгача озодликни 
чеклаш ѐки уч йилгача озодликдан маҳрум қилиш билан жазоланади. Ўша ҳаракатлар: 

---

а) такроран, хавфли рецидивист ѐки илгари ушбу Кодекснинг 210 - 212-
моддаларида назарда тутилган жиноятларни содир этган шахс томонидан; 
б) кўп миқдорда; 
в) бир гуруҳ шахслар томонидан олдиндан тил бириктириб содир этилган бўлса, - 
уч йилдан беш йилгача озодликни чеклаш ѐхуд уч йилдан беш йилгача 
озодликдан маҳрум қилиш билан жазоланади. 
Ўша ҳаракатлар: 
а) жуда кўп миқдорда; 
б) уюшган гуруҳ манфаатларини кўзлаб содир этилган бўлса, - 
беш йилдан саккиз йилгача озодликдан маҳрум қилиш билан жазоланади. 
Башарти моддий қимматликлар берган ѐки мулкий манфаатдор этган шахсга 
нисбатан моддий қимматликлар ѐки мулкий манфаат сўраб товламачилик қилинган 
бўлса ва ушбу шахс жиноий ҳаракатлар содир этилганидан кейин бу ҳақда ўттиз сутка 
ичида ўз ихтиѐри билан арз қилса, чин кўнгилдан пушаймон бўлиб, жиноятни очишда 
фаол ѐрдам берган бўлса, у жавобгарликдан озод этилади.