Ўзбекистон республикаси соғЛИҚни сақлаш

209-модда. Мансаб сохтакорлиги 
Мансаб сохтакорлиги, яъни давлат органи, давлат иштирокидаги ташкилот ѐки 
фуқароларнинг ўзини ўзи бошқариш органи мансабдор шахсининг ғаразгўйлик ѐки 
бошқа манфаатларни кўзлаб расмий ҳужжатларга била туриб сохта маълумотлар ва 
ѐзувлар киритиши, ҳужжатларни қалбакилаштириши ѐки била туриб сохта ҳужжатлар 
тузиши ва тақдим этиши фуқароларнинг ҳуқуқларига ѐки қонун билан қўриқланадиган 
манфаатларига ѐхуд давлат ѐки жамоат манфаатларига жиддий зарар етказилишига 
сабаб бўлса, - энг кам ойлик иш ҳақининг юз бараваридан уч юз бараваригача 
миқдорда жарима ѐки беш йилгача муайян ҳуқуқдан маҳрум қилиш ѐки уч юз олтмиш 
соатгача мажбурий жамоат ишлари ѐхуд икки йилгача ахлоқ тузатиш ишлари ѐки бир 
йилдан икки йилгача озодликни чеклаш ѐки уч йилгача озодликдан маҳрум қилиш 
билан жазоланади
Ўша ҳаракат: 
а) такроран ѐки хавфли рецидивист томонидан; 
б) уюшган гуруҳ манфаатларини кўзлаб содир этилган бўлса, -

---

энг кам ойлик иш ҳақининг уч юз бараваридан олти юз бараваригача миқдорда 
жарима ѐки уч йилгача муайян ҳуқуқдан маҳрум қилиб, икки йилдан беш йилгача 
озодликни чеклаш ѐхуд беш йилгача озодликдан маҳрум қилиш билан жазоланади.
 
210-модда. Пора олиш 
Пора олиш, яъни давлат органи, давлат иштирокидаги ташкилот ѐки 
фуқароларнинг ўзини ўзи бошқариш органи мансабдор шахсининг ўз хизмат 
мавқеидан фойдаланган ҳолда содир этиши лозим ѐки мумкин бўлган муайян 
ҳаракатни пора бераѐтган шахснинг манфаатларини кўзлаб бажариши ѐки 
бажармаслиги эвазига шахсан ўзи ѐки воситачи орқали қонунга хилоф эканлигини 
била туриб, моддий қимматликлар олиши ѐхуд мулкий манфаатдор бўлиши, - энг кам 
ойлик иш ҳақининг эллик бараваридан юз бараваригача миқдорда жарима ѐки муайян 
ҳуқуқдан маҳрум этилган ҳолда икки йилдан беш йилгача озодликни чеклаш ѐхуд беш 
йилгача озодликдан маҳрум қилиш билан жазоланади.
Пора олиш: 
а) такроран, хавфли рецидивист ѐки илгари ушбу Кодекснинг 211 ѐки 212-
моддаларида назарда тутилган жиноятларни содир этган шахс томонидан; 
б) кўп миқдорда; 
в) тамагирлик йўли билан; 
г) бир гуруҳ мансабдор шахслар томонидан олдиндан тил бириктириб содир 
этилган бўлса, -
беш йилдан ўн йилгача озодликдан маҳрум қилиш билан жазоланади.
Пора олиш: 
а) жуда кўп миқдорда; 
б) уюшган гуруҳ манфаатларини кўзлаб содир этилган бўлса, -
ўн йилдан ўн беш йилгача озодликдан маҳрум қилиш билан жазоланади.