Ўзбекистон республикаси санитария қоидалари ва меъёрлари шифохона ичи инфекциялари профилактикаси

2. Тиббиётда қўлланиладиган буюмларни стерилизация олди тозалови сифатини назорат қилиш
2.1. Марказий стерилизация бўлимларида, (МСП) ларида ўз-ўзини назорат қилиш ҳар куни ўтказилади.
2.2. Тиббий буюмларни стерилизация олди тозаловини сифати, ундаги қон қолдиқлари борлигини аниқлайдиган азопирам ёки амидопирин синамалари қўйиш йўли билан, шунингдек фенолофталеин синамаси, буюмларда ювувчи эритма таркибидаги ишқор қолдиқларидан тозаланганлигини аниқлаш мақсадида қўйилади, синамаларни натижасига қараб, ўтказилган тозалов ишлари сифатига баҳо берилади.
2.3. Тиббий буюмлардан қон қолдиқларни аниқлаш учун азопирам, амидопирин синамалари ҳар бир турдаги жиҳозларни 10% дан кам бўлмаган сонига ёки энг камида 3-4 синама қўйилиши керак.
2.4. Ишқор қолдиқларини миқдорини аниқлаш, сифатини назорат қилиш (фенолофталеин синамасини қўйиш) ювувчи эритмадан олиниб дистилланган сувда чайқаб олинган буюмларни ҳар бир партиясидан камида 3-4 тасига қўйилиб ўтказилади.


3. Синамалар қўйиш учун реактивларни тайёрлаш усуллари
3.1 Азопирам синамаси:
Азопирам даставвал бирламчи эритмаси тайёрланади. Бу реактивни 1 литрини тайёрлаш учун 100 гр амидопирин парашоги, 1-1,5 гр солянно кислотали анилин қуруқ идишга солиниб аралаштирилади ва 1 литргача 95% этил спирти қуйилади, яхшилаб аралаштирилади. Тайёрлаган эритма оғзи маҳкам ёпиладиган идишга қуйилиб қоронғи жойда сақланади. Бу эритма холодильникда 2 ой, хона ҳароратида 18-23 ⁰С да бўлса 1 ой сақланиши мумкин.
Ишчи реактивни тайёрлаш қуйидагича:
Тайёрлаб олинган бирламчи эритмага тенг миқдорда 3% ли перекис водород эритмаси қўшилиб реактив тайёрланади. Бу реактивни 2 соатдан узоқ сақлаш мумкин эмас. Буюмларда қон қолдиқлари бўлганда реактивдан буюм устига томизилганда 1 дақиқадан кўп бўлмаган вақт ичида даставвал бинафша рангга, кейинча сирен гули рангига ўтса, реактив фойдаланиш учун яроқли ҳисобланади. Агар 1 дақиқа давомида рангида ўзгариш пайдо бўлмаса, бу реактивдан фойдаланиш мумкин эмас.
Ишчи эритма билан текширилаётган буюмга қўйилган синама 1 дақиқадан кўп вақт ўтгандан кейинги натижа ҳисобга олинмайди.
Текширилаётган буюмларга ишчи эритма билан ишлов бериш аппаратлар ва жиҳозларни турли юзаларини ишчи эритма билан намланган тампон орқали артиш ёки бир неча томчи текширилаётган буюмга ишчи эритма томизиш усули билан олиб борилади.
Буюмларда қон қолдиқлари бўлганда реактивдан буюм устига томизилганда 1 дақиқадан кўп бўлмаган вақт ичида даставвал бинафша рангга, кейин бир неча сония ичида пушти - сирен гули рангига ўтади. Текширилаётган буюм занглаган бўлса, ўта тўқ рангга, хлор бирикмали оксидловчилар бўлса, бинафша рангга ўтади.