Ўзбекистон республикаси санитария қоидалари, меъёрлари ва гигиена нормативлари

Тиббиёт ходимлари хавфсизлиги чоралари

1. 
   Барча қон намуналарига парентерал вирусли гепатитлар ва ОИВ инфекцияси қўзғатувчилари бўлиши мумкинлиги инобатга олган ҳолда потенциал хавфли деган муносабатда бўлиш керак.
   

77

2. 
   Қон олишни амалга ошираётган тиббиёт ходимлари хавфсизлик чораларига риоя этиши керак.
   
3. 
   Қўллар қон, сиворотка, ажратмалар билан ифлосланган тақдирда улар тери антисептигига ивитилган тампон билан яхшилаб артилади ва шундан сўнг оқар сувда совунлаб ювиб ташланади.
   
4. 
   Иш столлари юзалари иш куни якунида (қон билан ифлосланган тақдирда эса дарҳол) дезинфекция воситалар билан мазкур воситага тегишли методик кўрсатмалар талабларига асосан зарарсизлантирилади.
   
5. 
   Ходимлар вирусли гепатитнинг В ва С маркерларига амалдаги норматив ҳужжатга мувофиқ йилда камида бир марта текширилади.
   

XII. Эндоскопик аралашувлардаги инфекцион касалликлар профилактикаси

1. 
   Умумий қоидалар
   
   1. 
      Эндоскопик аралашувлар кам инвазив, юқори информатив ва самарали тиббиёт хизматлари бўлиб, турли касалликларни ташҳислаш (эндоскопик текширувлар) ва даволашга (эндоскопик муолажа, шу жумладан эндоскопик оператив аралашув) қаратилган. Эндоскопик аралашувлар эндоскопик асбоблардан фойдаланган ҳолда бажарилади.
      
   2. 
      Эндоскопик асбоблар-ускуналар, шу жумладан эндоскоплар ва уларга тегишли асбоблар мустақил тарзда ёки эндоскопик ва эндожарроҳлик мажмуалар (тизимлар) таркибидаги тарзда эндоскопик аралашувлар ўтказиш учун мўлжалланган тиббиёт буюмларига тегишлидир.
      
   3. 
      Эндоскоплар ишлатиши жараёнида шиллиқ қатламлар билан контактда бўлади ва (ёки) организмнинг стерил органлари, тўқималари ва бўшлиқларига киради. Мақсадига кўра улар стерил бўлмаган ва стерил эндоскопик аралашувлар ўтказиш эндоскопларига бўлинадилар.
      
   4. 
      Одатий тарзда ўз микрофлорасига эга (ошқозон-ичак тракти, нафас йўллари) органларга табиий йўллар орқали эндоскоп киритиладиган ҳолатлардаги аралашувлар стерил бўлмаган ҳисобланади.
      
   5. 
      Қон оқими йўлларига, организм бўшлиғи ва тўқимасига тешиклар, тери ва шиллиқ қатламдаги кесимлар орқали, ҳамда одатда стерил органларга (бачадон, сийдик пуфаги)табиий йўллар орқали эндоскоп киритилиши ҳолатлари стерил аралашувлар деб ҳисобланади.
      
   6. 
      Ташҳислаш ва даволаш аралашувларини ўтказиш учун клиник амалиётда эндоскопларни қўллаш беморлар ва ходимларга инфекцион касалликлар юқиши хавфини келтириб чиқаради.
      

78

7. 
   Юқори даражадаги дезинфекцияда (кейинги ўринларда - ЮДД) вегетатив шаклдаги бактериялар, замбруғлар, вируслар ва бактериялар спораларининг бир қанча миқдори йўқолиши таъминланади. Эндоскопларни ЮДД қилиш қўл билан ёки ювиш ва дезинфекция қилиш машинасида (кейинги ўринларда - ЮДМ) механик тарзда бажарилади.
   
1.