Ўзбекистон республикаси санитария қоидалари, меъёрлари ва гигиена нормативлари

Қабул-кўрик бўлими.

1. 
   Қабул бўлимида акушер гинеколог ёки гинеколог анамнез йиғади, объектив текширувлар ўтказади, келиб тушган аёлнинг умумий аҳволини баҳолайди, тана ҳароратини ўлчайди, тери қопламлари, оғиз бўшлиғини кўздан кечиради, пульсини санайди, иккала қўллардаги артериал босимни ўлчайди.
   
2. 
   Объектив текшириш барча маълумотларини шифокор тегишли бўлимга ўтказилганидан кейин туғиш тарихига ёзади. Аёлнинг қабул бўлимида бўлиш вақтини минимал даражага етказиш керак.
   
3. 
   Акушер-гинеколог ёки гинеколог аёлнинг алмашинув варақаси билан танишиб чиқади, ушбу ҳомиладорликка қадар ва ҳомиладорлик пайтида бошдан кечирган юқумли-яллиғланиш касалликларини аниқлайди. Эпидемиологик анамнез варақасини тўлдиради. Зарур бўлганда айрим таҳлил натижаларини санаси билан бирга туғруқ тарихининг титул варақасининг тегишли саҳифаларига (ОИВга ИФА, RW, гонорея ва бошқалар) кўчириб ўтказади.
   
4. 
   Алмашинув варақаси бўлмаганда ёки ҳомиладорнинг алмашинув варақасида HBsAg, RW, ОИВга текширувлар маълумотлари мавжуд бўлмаган тақдирда ҳомиладор аёлни бу ҳақда хабардор этиш, ҳамда ушбу инфекцияларга лаборатория текширувлари ўтказилишини таъминлаш зарур.
   
5. 
   Ҳомиладорнинг алмашинув варақасида таҳлиллар натижалари, улар ўтказилган сана ва таҳлил рақамлари қайд этилган бўлиши керак. Бу маълумотлар тўлалигича туғруқ тарихига кўчирилади (агар улар текширув муддатлари бўйича мос бўлса).
   
6. 
   Ҳомиладорда HBsAgга текширув ҳомиладорлик рўйхатга олинганда ва ҳомиладорликнинг 32-ҳафтасида ўтказилади. ОИВ инфекциясига текширув ҳомиладор аёл кузатувда бўлган бирламчи (поликлиника, ҚВП) бўғинда текширув ўтказилмаган бўлса, тезкор усул билан ёки ИФА текширув усулида ўтказилади.
   
7. 
   Текширувдан ўтказишга йўлланма ОИВ инфекциясига тестдан ўтишига розилиги, тестгача маслаҳат беришни расмийлаштириш билан бирга олиб борилади.
   
8. 
   Ҳомиладорда ОИВга экспресс-тест ижобий натижа қайд этилганда тестолди маслаҳатни ўтказган врач акушер-гинеколог тестдан кейинги маслаҳатни ҳам ўтказади. Аёлнинг қони намунаси ҳудудий ОИТСга қарши курашиш марказига қонни келгусида ОИВни ИФА усулида текшириш учун жўнатилади.
   
9. 
   Ҳомиладорлар ва туғувчи аёллар хоҳишига кўра ёки зарур бўлганда санитария тозалов ишларидан ўтказилади.
   
10. 
    Туғруқ мажмуасига (бўлимига) ётқизилганда шахсий тоза кийим, пойабзал, тўшак тўплами ва сочиқдан фойдаланишга рухсат этилади.
    

41

2.