Ўзбекистон Республикаси Президентининг Виртуал қабулхонаси “Онлайн маслаҳатчи” модули фаолиятини ташкил этиш юзасидан т а в с и я л а р

4-боб. Маслаҳатчи ва Хизмат ходимларининг
иш натижалари 
15. Маслаҳатчилар фаолияти Хизмат томонидан мунтазам мониторинг 
қилинади ва мувофиқлаштириб борилади. 
16. Мониторинг натижаларига кўра Хизмат томонидан давлат 
органлари ва хўжалик бошқаруви органлари раҳбариятига ваколати 
доирасида маслаҳатчиларни рағбатлантириш ёки жавобгарлигини ҳал этиш 
юзасидан тақдимнома киритилиши мумкин. 
17. Маслаҳатчи мурожаатлар, мурожаатларда кўтарилган масалалар 
йўналишларини инобатга олган ҳолда ҳафталик таҳлил юритади, шунингдек 
мурожаатларни кўриб чиқишда аниқланган тизимли қоида бузилишларига 
олиб келувчи сабаблар ва шароитларни баратараф этишга қаратилган, 
кейинчалик ҳуқуқни қўллаш амалиёти ва қонун ҳужжатларини 
такомиллаштириш бўйича таклифлар ишлаб чиқишда фойдаланиш учун 
таҳлилий ҳисоботлар шакллантириб, электрон шаклда Хизматга тақдим этиб 
боради. 
 

---

4 
5-боб. Ташкилий-техник талаблар 
18. Ўзбекистон Республикаси Президентининг Виртуал қабулхонасига 
келиб тушган мурожаатлар билан 
www.cabinetpm2.gov.uz
сайтида ишлаш 
учун ажратиладиган компьютерларга қуйидаги минимал талаблар қўйилади: 
– Intel Core i5 6400, Частота 3.3 ГГц, Кэш: 6МБ; 
– оператив хотира хажми камида 4 ГБ (8 ГБ тавсия этилади); 
– ҳажми камида 1 ТБ бўлган қаттиқ диск; 
– монитор – камида 21’ диагональ); 
– операцион тизим – Microsoft Windows 7 Professional; 
– Веб-браузер – Google Chrome; 
– Microsoft Office 2013 офис пакети; 
– UPS. 
19. Давлат органлари ва хўжалик бошқаруви органлари раҳбарияти 
маслаҳатчиларга Интернет тармоғидан фойдаланишда мавжуд талабларга 
мувофиқ ташкилий-техник имкониятлар яратилиши учун жавобгардир. 
 
6-боб. Якуний қоида 
 
20. Маслаҳатчи мурожаатчиларга ўзи томонидан тақдим этилган 
ахборотнинг тўғрилиги ва тўлиқлиги учун қонунга мувофиқ жавобгардир.