Ўзбекистон Республикаси Президентининг Виртуал қабулхонаси “Онлайн маслаҳатчи” модули фаолиятини ташкил этиш юзасидан т а в с и я л а р

2-боб. Модуль воситасида маслаҳат бериш тизимини
ташкил этиш 
4. Маслаҳатчилар фаолиятини ташкилий-услубий жиҳатдан назорат 
қилиш ва мувофиқлаштириш Ўзбекистон Республикаси Президенти 
девонининг Фуқаролар ҳуқуқларини ҳимоя қилиш, жисмоний ва юридик 
шахсларнинг мурожаатлари билан ишлашни назорат қилиш ва 
мувофиқлаштириш хизмати (бундан буён матнда Хизмат деб юритилади) 
томонидан амалга оширилади. 
5. Маслаҳатчилар фаолияти Ўзбекистон Республикаси Конституцияси 
ва қонунлари, Олий Мажлис палаталарининг қарорлари, Ўзбекистон 

---

2 
Республикаси Президентининг фармонлари, қарорлари ва фармойишлари, 
Ўзбекистон Республикаси Вазирлар Маҳкамасининг қарорлари ва 
фармойишлари, идоравий норматив-ҳуқуқий ҳужжатлар, шунингдек мазкур 
Тавсияларга мувофиқ ташкил этилади. 
6. Маслаҳатлар бериш реал вақт режимида ҳафтанинг душанба – жума 
кунлари соат 9:00 дан 18:00 га қадар танафуссиз ташкил этилади. 
7. Онлайн маслаҳатлар бериш маслаҳатчилар томонидан асосий иш 
жойидан масофадан амалга оширилади. Бунда маслаҳатчилар Хизмат 
томонидан берилган логин ва “калит сўз” орқали идентификациядан ўтиб, 
Модулда махсус ташкил қилинган “шахсий кабинет”дан фойдаланади. 
8. Кўрсатилаётган маслаҳат хизмати ҳажми ва унга мурожаатчиларнинг 
талабини (иш юкламасини) инобатга олиб, давлат органи ва хўжалик 
бошқаруви органида ишчи гуруҳ тузилиши мумкин. Бунда ишчи гуруҳ 
аъзоларидан бири маслаҳатчи-координатор этиб тайинланади. Ишчи гуруҳ 
фақат маслаҳатчилардан иборат бўлмаслиги мумкин.
9. Маслаҳатчи вазифаси тегишли давлат органи ва хўжалик бошқаруви 
органи раҳбарининг буйруғи (фармойиши)га мувофиқ юклатилади. 
Маслаҳатчи-координатор вазифаси, қоида тариқасида, мурожаатлар билан 
ишлаш бўлимининг (бўлинмаси ёки гуруҳи) масъул ходимларидан бирига 
юклатилади. 
Бунда ходимнинг: 
соҳада етарли билим ва малакага эгалиги;
ахборот-коммуникация технологиялари, Интернет тармоғи ва ундаги 
қонун ҳужжатлари маълумотлари базаларидан фойдаланиш кўникмасига 
эгалиги; 
ўзбек ва рус тилларида ўз фикрларини тўғри баён эта олиши инобатга 
олиниши лозим. 
10. Маслаҳат хизмати учун ҳақ олинмайди.