Ўзбекистон республикаси президенти ҳузуридаги қонунчилик ва ҳУҚУҚий сиёсат институти

лаштиришга йўл қўйилмаслигини кафолатлаши лозим”
, 
деб таъкидлаган эди.
Амалдаги Конституцияда тадбиркорлик, иқтисодий фао-
лият эркинлиги белгиланган бўлса-да, айнан ушбу соҳада 
самарали фаолият кўрсатишга салбий таъсир қиладиган 
монопол ташкилотлар фаолиятини чеклаш бўйича махсус норма 
белгиланмаган.
Шу боис янги таҳрирдаги Конституциямиз лойиҳасининг 
67-моддасида илк маротаба 
“Монопол фаолият қонун 
билан тартибга солинади ва чекланади”
, деган қатъий 
норманинг 
киритилаётганлиги 
иқтисодиёт 
тармоқларида 
монопол фаолиятни чеклаш орқали рақобатни ривожлантиришга 
йўналтирилган тизимли иқтисодий-ҳуқуқий тартибга солишнинг 
конституциявий асослари шаклланишига хизмат қилади.

---

119
Дарҳақиқат, иқтисодиётни ривожлантириш манфаатлари 
нуқтаи назаридан давлатнинг монопол фаолиятни тартибга 
солиш каби муҳим вазифани ўз зиммасига олиши бизнес 
ҳамжамиятнинг ҳам, аҳолининг ҳам манфаатига жавоб беради.
Бунда барча бозорларда соғлом рақобат муҳитини 
таъминлашга ҳамда рақобатни олиб кириш мумкин бўлган 
табиий монополия соҳаларига хусусий сектор учун йўл очишга 
муҳим эътибор қаратилади.
Шу билан бирга, юқори ижтимоий аҳамият касб этувчи 
соҳалардаги табиий монополиялар (масалан, нефть, нефть 
маҳсулотлари ва газни қувур орқали транспортировка қилиш, 
темир йўлларда ташиш ва бошқ.) фаолияти 
истеъмолчилар 
манфаати устунлиги
нуқтаи назаридан тартибга солиниши 
зарур. Бундай тартибга солиш давлат томонидан нархларни 
ёки уларнинг энг юқори (энг паст) даражасини ўрнатиш орқали 
амалга оширилади.
Бундай нормалар 
Австрия, Болгария, Хорватия
каби 
хорижий мамлакатлар конституцияларида ҳам ўз ифодасини 
топган. 
Конституцияга ушбу норманинг киритилиши рақобатни 
ривожлантиришга, ишлаб чиқаришга янгиликларни тезкор жорий 
этиш орқали самарадорликнинг ортишига, истеъмолчиларнинг 
танлаш эркинлигини кафолатли таъминлашга, товар ва хизматлар 
нархининг асоссиз ошмаслигига ҳамда уларнинг юқори сифатда 
бўлишига хизмат қилади.