Ўзбекистон республикаси президенти ҳузуридаги давлат бошқаруви академияси янги ўзбекистон – янгича дунёқараш

2.3.-расм. Инсон ҳуқуқ ва эркинликларини кафолатли ҳимоя қилиш, қонун устуворлигини таъминлашга қаратилган ислоҳотлар.
Манба: Ўзбекистон Республикаси Президенти Шавкат Мирзиёевнинг
Ўзбекистон Республикаси Олий Мажлиси ва халқига Мурожаатномаси.
Президентимиз Мурожаатномада таъкидлаганидек, 2021 йилда ҳам ушбу ишларни давом эттирилади. Хусусан, 2005 йилгача мамлакатимизга келиб доимий яшаётган, фуқаролиги бўлмаган шахсларга ҳам тўғридан-тўғри Ўзбекистон фуқаролигини бериш тартибини қонунчиликда белгилаш бу борадаги ислоҳотларимизнинг мантиқий давоми бўлиб хизмат қилади. Бу билан мамлакатимизда муқим яшаётган ва Ўзбекистон фуқаролигига эга бўлмаган яна 20 минг киши Ўзбекистон фуқароси бўлиш имкониятига эга бўлади. Шу билан биргаликда юртимизда 15 йил давомида муқим яшаган фуқаролиги бўлмаган шахсларга тўғридан-тўғри Ўзбекистон фуқаролигини беришнинг доимий тартиби жорий қилинишига урғу берилди.
Хорижий мамлакатлар тажрибасига қарасак фуқароликни олишда маълум бир муддатгача мурожаат этиш амалиёти мавжуд эмаслиги кўришимиз мумкин. Масалан, Россия, Қозоғистон каби мамлакатларда фуқароликка оид қонунчилигида муддатли тўсиқлар белгиланмаган. Бу ҳолат тегишли давлат фуқаролигини олишда шахслар учун сансоларлик ва ноқулайликларнинг олдини олади. Украинада шахснинг бирор яқин қариндошларидан боласи, ота-онаси, ака-ука ёки опа-сингил, бува ва бувиси, набиралари бирортаси Украина ҳудудида мустақилликдан сўнг яшайдиган бўлса фуқаролик бериш амалиёти шаклланган.
Хулоса қилиб айтганда, шахснинг ҳуқуқ ва эркинликларини таъминлаш йўлидаги юқоридаги сайи-ҳаракатлар янги Ўзбекистон фуқароларининг фаровон турмуш кечиришига янада кенгроқ шароитларни яратади.

САВОЛЛАР

1. 
   Ўзбекистонда суд-ҳуқуқ тизимида охирги йилларда қабул қилинган қандай қонун ҳужжатларини биласиз?
   
2. 
   Ўзбекистон Республикаси Президенти Ш.М.Мирзиёев 2021 йилги ўз мурожаатида “адолат” тушунчасига қандай таъриф берди?
   
3. 
   Суд тизимини рақамлаштириш фуқаролар учун қандай енгилликлар олиб келиши мумкин?
   
4. 
   Пробация назорати нима?
   
5. 
   Ўзбекистон фуқаролигини тўғридан-тўғри беришнинг асосий сабаблари нималардан иборат?