Ўзбекистон республикаси президенти ҳузуридаги давлат бошқаруви академияси янги ўзбекистон – янгича дунёқараш

3.5.-диаграмма. 2010-2020 йилларда миллий валютанинг алмашув курслари (сўм)



Яна бир масала – ҳозирги кунда Ўзбекистоннинг давлат ташқи қарзи Жаҳон банки ва Халқаро валюта жамғармаси мезонларига кўра хавфсиз ҳисобланишидир.

Шавкат МИРЗИЁЕВ

Маълумки, 2017 йил сентябрь ойидан мамлакатимизда валюта бозори эркинлаштирилди. Шу даврда эркин валюта айирбош-лаш бўйича юртимизда етарли тажриба тўпланди. Мурожаатно-мада мазкур масалада ҳам алоҳида тўхталиб, иқтисодиёти-мизнинг хорижий валютага боғлиқлик даражасини босқичма-босқич камайтириш кераклиги, шу мақсадда келгуси йилда валюта кредитлари улушини ҳозирги 50 фоиздан 45 фоизга, яъни, камида
2 миллиард долларга пасайтириш лозимлиги белгилаб берилди. Натижада тадбиркорлар валютани ҳозиргидек 4 кунда эмас, ярим соатда сотиб олиши мумкин бўлади. Шу нуқтаи назардан ҳам, Мурожаатномада янги йилда миллий валютада чиқариладиган халқаро облигациялар улушини ҳозирги 25 фоиздан камида 40 фоизга ошириш зарурлиги кўрсатиб ўтилди. Шу билан бирга, 2021 йилдан банклараро валюта бозори “онлайн” платформага ўтказилади ва тадбиркорларга валютани бевосита банкнинг ўзидан сотиб олиш учун имконият яратилади.
Шунингдек, давлат номидан ташқи қарз олиш камайтирилиб, инвестиция ва инфратузилма лойиҳаларига кўпроқ хусусий капитал жалб этилади. Масалан, кейинги йилда давлат-хусусий шериклик асосида 40 дан ортиқ йирик ва ўрта лойиҳаларни амалга ошириш бошланади.
Хулоса ўрнида таъкидлаш жоизки, ушбу вазифаларнинг амалга оширилиши мамлакатимиз иқтисодиётини ривожлантириш билан бир қаторда, ҳудудларнинг ижтимоий-иқтисодий инфратузилмаси ривожланиши, бу орқали эса қўшимча ишлаб чиқариб чиқариш ва хизмат кўрсатиш субъектларини ташкил топиши, пировардида эса мамлакатдани ишсизлик миқдорини камайиши ҳамда аҳолининг иқтисодий ҳолати ва ижтимоий ҳаёт тарзи яхшиланишини таъминлайди.


САВОЛЛАР

1. Макроиқтисодий сиёсатнинг асосий вазифаларини санаб беринг.

2. Инфляция даражасининг иқтисодиётда тутган ўрнини очиб беринг.
3. 2017 йилдан Ўзбекистонда инфляция даражасининг ошишининг асосий сабаблари нимадан иборат?
4. Давлат бюджети тақчиллигини молиялаштиришнинг тўрт муқобил манбаларини шарҳлаб беринг
5. Мамлакатимизда валюта бозори эркинлаштирилиши иқтисодиётга қандай ижобий натижалар берди?