Ўзбекистон республикаси президенти ҳузуридаги давлат бошқаруви академияси янги ўзбекистон – янгича дунёқараш

2.1.-расм. Жиноий жавобгарликка тортишнинг жазолар бўйича
Кўрсаткичлари. Манба: Ўзбекистон Республикаси Президенти Шавкат Мирзиёевнинг Мурожаатномаси
Ўзбекистон Республикаси Олий
Жазо муддатини ўтаётган ва тузалиш йўлига қатъий кирган 616 нафар фуқаро афв этилди. Судлар мустақиллиги таъминланиши натижасида жорий йилнинг ўзида 719 нафар фуқарога нисбатан оқлов ҳукми чиқарилди.

“Бундан буён биринчи марта озодликдан маҳрум этилган шахсга берилган жазо енгилроғи билан алмаштирилса, у манзил-колонияга ўтказилмасдан, тўғридан-тўғри пробация назоратига олинади”.
Шавкат МИРЗИЁЕВ

Ўзбекистон Республикасининг 2020 йил 24 июлдаги “Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида”ги Фармонига асосан суд тизимида рақамлаштиришни янада кенгайтирилиш назарда тутилди. Шунингдек, Ўзбекистон Республикаси Президентининг “Суд ҳокимияти органлари фаолиятини рақамлаштириш чора-тадбирлари тўғрисида”ги қарорига кўра, бугунги кунда судларда ишларни кўришда 30 га яқин вазирлик ва идоралар билан маълумот алмашинуви уларнинг ахборот тизимларини ўзаро интеграция қилиш ва қоғоз шаклида ишларни олиб боришга чек қўйиш назарда тутилди. Бундан ташқари, судлар томонидан фуқаролар ва тадбиркорларга кўрсатиладиган интерактив хизматлар турини кенгайтириш бўйича ишларни жадаллаштириш талаб этилади. Эндиликда фуқароларимизга судга келмасдан, “онлайн” тартибда мурожаат қилиш имконияти яратилиши кўзда тутилмоқда. Шунингдек, фуқаролар ўз аризаларини кўриб чиқиш жараёнини масофадан туриб кузатиб бориши мумкин бўлади.
Ўзбекистонда инсон омилининг устуворлиги жазони ижро этиш тизимида инсонпарварлик тамойилини кенг қўллаш борасидаги ишлар давом эттириш зарурлигини кўрсатмоқда. Жазони ижро этиш муассасаларини қисқартириш, яъни манзил-колонияларнинг 25 тасини қисқартириш бу борада қилиниши керак бўлган устувор иш бўлади. Шу билан бирга, жазони енгилроғи билан алмаштириш ва шартли озод қилиш тўғрисида тақдимнома киритиш ваколати жазони ижро этиш муассасаларидан янги ташкил этиладиган инсонпарварлик комиссияларига ўтказилади. Пробация назорати қатор Европа мамлакатлари Дания, Норвегия, Шведция, Германия каби давлатларда қўлланилиб келинмоқда.