Ўзбекистон Республикаси Президенти Ш. М. Мирзиёев раҳбарлигида 022 йил 28 январь куни кенгайтирилган тарзда ўтказилган видеоселектор йиғилишининг – сонли баёни

Вазирлар Маҳкамаси (Раматов), Иқтисодиёт ва камбағалликни қисқартириш вазирлиги (Норқулов, Бобоев) марказлашган манбалар ҳисобидан қурилишларда иқтисод қилинган маблағлар аввало мактабларга йўналтирилишини таъминласин.

Қорақалпоғистон Республикаси Вазирлар Кенгаши, вилоятлар, Тошкент шаҳар ва туман (шаҳар) ҳокимликлари икки ой муддатда туман халқ таълими бўлимлари ва мактаб бошқарувига тажрибали кадрларни жалб қилсин ҳамда уларга маҳаллий бюджет маблағлари ҳисобидан қўшимча ойлик маошларини тўлаш чораларини кўрсин.

Халқ таълими вазирлиги (Саидов) икки ой муддатда замон талабларидан келиб чиқиб, белгиланган штат бирликлари доирасида, халқ таълими бўлимлари ташкилий тузилмасини қайта кўриб чиқсин ҳамда ходимларга аниқ натижага асосланган талабларни белгиласин.

Халқ таълими вазирлиги (Саидов), Қорақалпоғистон Республикаси Вазирлар Кенгаши, вилоятлар, Тошкент шаҳар ва туман (шаҳар) ҳокимликлари мактабдан ташқари даврда мактаб инфратузилмасидан (кутубхона, спорт зал, компьютер хоналари, тадбирлар зали) оқилона фойдаланиш ҳамда мактабларнинг маҳалла учун “маънавият маскани”га айланишини таъминласин.

Ёшлар ишлари агентлиги (Саъдуллаев), Давлат хавфсизлик хизмати (Жўраев), Маҳалла ва оилани қўллаб-қувватлаш вазирлиги (Маматов) анъанавий таълим жараёни қайта тиклангандан сўнг бир ой муддатда маҳалладаги ёшлар етакчилари томонидан мактабларда дарсдан ташқари пайтда, мусобақа, концерт, китобхонлик, мушоира тадбирлари ҳамда “Заковат” ва бошқа интеллектуал ўйинларни маҳалладаги ёшлар учун ташкил этиш чораларини кўрсин.

Халқ таълими вазирлиги (Саидов), Молия вазирлиги (Ишметов), Таълим сифатини назорат қилиш давлат инспекцияси (Ташкенбаев)
15 мартга қадар муддатда педагоглар фаолиятини кенг қўллаб-қувватлаш ва уларни рағбатлантириш мақсадида Халқ таълими вазири жамғармасини
ташкил этиш борасида Президент қарори лойиҳасини ишлаб чиқсин.

Бунда:
- дастлабки ресурс сифатида 300 млрд.сўм маблағ ажратилиши;

- жамғарма маблағлари илғор педагогик-технологияларни жорий этаётган, таълим сифатини оширишга ҳиссасини қўшаётган, ўқувчилари юқори билим кўрсаткичларига эришган муаллимларни, қарор қабул қилингандан сўнг “халқ таълим аълочиси” кўкрак нишони билан тақдирланадиган тизим ходимларини рағбатлантириш каби мақсадларга йўналтирилиши назарда тутилсин.

14.