Zbekiston respublikasi oliy va o ‗ rta maxsus ta`lim vazirligi

 

BADIIY ASAR TILI  

 Hulkar RAHMATOVA,  

7-maktab o„qituvchisi (Jizzax)  

 

So‗nggi  yillarida  milliy  asarlarimizni  xolis  o‗rganishga,  ularni  yuksak 

badiiyat mezonlari asosida tadqiq qilishga alohida ahamiyat qaratilmoqda. O‗zbek 

adabiyotshunosligida,  ayni  paytda,  mustaqillikkacha  va  undan  keyingi  yillarda 

yaratilgan  asarlar  misolida  o‗zbek  nasri  badiiy  tafakkuridagi  yangilanishlarni, 

voqelikni badiiy ifodalash yo‗sinlarini dunyo adabiyotshunosligi o‗lchovlariga mos 

ravishda,  ularni  bugungi  kun  talabidan  kelib  chiqib  ilmiy-nazariy  jihatdan  to‗g‗ri 

baholash  muhim  vazifalardan  biridir.  Demak,  asarlarni  adabiy-tarixiy  jarayon 

konteksti,  yozuvchi  va  badiiy  asar  juftligi,  ijodkor  va  ma`naviy-ruhiy  dunyosini 

o‗rganish,  ularda  insonning  individual  va  ijtimoiy  borlig‗i  ifodalanishining 

---

531 

 

bugungi  islohotlar  jarayoniga  tatbiq  etilishi,  ayniqsa,  o‗sib  kelayotgan  yosh 

avlodning ma`naviy kamolotini ta‘minlashga xizmat qilishga yo‗naltirilishi muhim 

ma‘rifiy-tarbiyaviy ahamiyatga ega.O‗zbekiston Respublikasi Prezidentining 2017 

yil  13  senyabrdagi  ―Kitob  mahsulotlarini  nashr  etish  va  tarqatish  tizimini 

rivojlantirish, kitob  mutolaasi va  kitobxonlik  madaniyatini  oshirish  hamda  targ‗ib 

qilish bo‗yicha kompleks chora-tadbirlar dasturi to‗g‗risida‖gi PQ-3271-son Qarori 

milliy asarlarimizni o‗rganishga yanada keng yo‗l ochdi.  

―Hayot – murakkab xodsadir, yozuvchi shu marakkablikni tasvir eta bilsagina 

hayotimiz haqqoniy manzarasini yarata oladi‖[1, 235], – degan edi adabiyotshunos 

Izzat  Sultonov.  Haqqoniy  hayot  manzarasini  yaratish  uchun  yozuvchidan  yuksak 

mahorat  va  kuchli  iste`dod  talab  etiladi.  Bularsiz  badiiy  asar  vujudga  kelmaydi. 

Badiiylik  yaratilayotgan  har  bir  asarning,  jumladan,  so‗z  san`atining  asosiy  va 

doimiy  xususiyati  sanaladi.  San`atning  barcha  turlari  uchun  yagona  me‘zon 

sanalmish  badiiylik  keng  tushuncha  bo‗lib,  obrazlilikni  o‗z  ichiga  qamrab  oladi. 

Inson  qalb  torini  cherta  olmaydigan,  unga  estetik  zavq  bag‗ishlamaydigan  asar 

badiiylikdan  bebahra  sanaladi.  Bunday  asarlarni  Abdulla  Qahhor  aytganidek, 

―rangsiz,  nursiz,  haroratsiz  yozilgan  asarlar  hayotni  chuqur  o‗rganmasdan,  uning 

achchiq-  chuchugini  tatimasdan,  o‗sha  hayot  odamlarining  qalbiga  payvand 

qilmasdan,  dardsiz,  ehtirossiz,  ya`ni  ilhomsiz  yozilgan  asarlardir‖  [2,  97],  –  deb 

ayta  olamiz.  Asarning  kuchi  uning  badiiyligidadir.  30-yillarda  yaratilgan 

Oybekning  ―Qutlug‗  qon‖  romani  hech  shubhasiz,  mana  shunday  badiiy  yuksak 

mahorat  mahsuli  deya  olamiz.  Bu  asar  yozuvchining  individual  uslubi  asosida 

yaratilgan badiiy yuksak asar bo‗lib, o‗zbek adabiyotida o‗zining munosib o‗rnini 

topgan.  Bizga  ma`lumki,  badiiylikning  o‗zagi  obrazlilikdir.  Yozuvchi  o‗z 

g‗oyasini, qarashlarni, orzu-istaklarini obrazlar vositasida butun kechinmalari bilan 

o‗quvchiga  etkazadi.  Masalan,  Oybek  Yo‗lchi  obrazini  shunday  tasvirlaydiki,  u 

kitobxon  ko‗z  o‗ngida  jonli  inson  sifatida  gavdalanadi.  Obrazning  hayotiyligi, 

murakkab  hayot  yo‗lining  real  chizgilarda  berilishi,  xarakter  nutqi,  unga  xos 

bo‗lgan  barcha  xususiyatlar  asarning  boshqa  qahramonlari  tilidan  aytilishi 

jarayonida  obraz  mukammalligi  yaqqol  ko‗zga  tashlanadi.  Shuningdek,  asar  tili 

ham o‗ziga xos tarzda yaratilgan. Asar tili ravon va samimiyligi shundaki, asarda 

shevaga  xos  va  o‗sha  davr  ruhini  aks  ettiruvchi  so‗zlarning  ishlatilishi,  hamda 

ularini  barcha  obrazlar  nutqida  me‘yorida  va  mantiqli  tarzda  qo‗llangangi. 

Ma`lumki,  obraz  so‗zlar  vositasida  aks  ettiriladi.  Badiiylikning  bosh  mezoni 

sanalmish  til  badiyati  bu  asarda  alohida  ahamiyat  kasb  etadi.  Asardagi  sheva  va 

lahjalarga  mansub  so‗zlarning  ishlatilishi  asar  tilining  shukuhi  va  jozibasini 

ko‗targan.  Bizga  malumki,  shevalar  tilning  so‗z  hazinasini,  uning  tasvir  hamda 

ifoda  imkoniyatlarini  boyituvchi  omillardir.  Shu  boisdan  ham  Oybek  o‗z 

asarlarining  til  badiyatini  taminlashda  shevaga  xos  so‗zlarga  murojaat  etadi.  Bu 

albatta, asar baadiyatini yuqoriga ko‗taradi: ―Koshki edi manda  tish bo‗lsa, sanda 

gavda  bo‗lsa,  simyon!‖  ,  ―Munda  kel!  –  chol  qo‗li  bilan  imladi‖  ,  ―O‗z 

dekchamizni  o‗zimiz  qaynatamiz‖  ,  ―Obbo  lanati  kalxamak―  ,  ―Orasini  yorib 

qarasa  damlog‗liq  qozon  chiqadi,  tuvoqni  ko‗taradi‖,  ―Bu  chizi  to‗g‗ri  gap‖  , 

―tunov kun bir abrazavan o‗ris bilan uchrashganimda edi, bizning ―sartiya‖ bolalari 

---

532 

 

ham  shkolda  oz-moz  o‗qiyapti‖  ,  ―Aptom  gulyatga  boramiz‖  ,  ―Nuri  o‗shatta 

tushsin‖,  ―Haytavur  to‗yimga  etib  kelibsiz‖  kabi  ko‗plab  shevaga  xos  va  ruscha 

so‗zlarni  asarda  uchratishimiz  mumkin.  Yana  shu  bilan  birga  o‗sha  davrga  xos 

bo‗lgan so‗zlar (Izvosh, bazzoz, kegay, mirshab, qarol, koranda, chorakor, ko‗nka, 

zakunchi, dahriy) bilan birgalikda o‗sha davr uchun yangilik bo‗lgan so‗zlar (bank, 

zavod,  kompaniya,  kredit,  protsent)  ning  ham  ishlatilishi  asar  tilining  o‗ziga 

xosligini  taminlaydi.  Yoki,  yog‗och  elka,  pes  piyola  kabi  betakror  o‗xshatishlar 

ham  asar  tiliga  o‗zgacha  rux  bag‗ishlagan.  Yozuvchi  mahoratini  asarda  bundan 

tashqari  holatlarda  ham  ko‗rishimiz  mumkin.  Jumladan,  asardagi  obrazlar  nutqi 

o‗ta mohirlik bilan berilganki, oddiy kichik personajdan tortib, xarakter darajasiga 

ko‗tarilgan  obrazning  ham  nutqida  o‗ziga  xoslik  mujassam.  Har  bir  obraz  o‗z 

xarakter  nuqtai-nazaridan  kelib  chiqib  so‗zlaydi,  unda  sira  g‗alizlik  sezilmaydi. 

Asardagi obrazlarni kashf qilish yukini esa, o‗zga obrazlarga yuklaydi, ular tilidan 

berilgan  tarif  obrazlar  haqida  yanada  kengroq  tushuncha  hosil  qiladi.  Masalan, 

Yo‗lchi  obrazini  kashf  qilishda  Mirzakarimboy  tilidan  aytilgan  ushbu  tavsif 

fikrimizni tasdiqlaydi. ―Bu aqilli yigit ko‗rinadi, ham ulug‗vor, ham vazmin‖ yoki 

―Devkor  yigit  ekan‖,  –  deya  Yormat  tilidan  olingan  fikr  ham  Yo‗lchi  haqidagi 

tasavvurimizni  yanada  boyitadi.  Bunday  nuqtalar  asarda  juda  ko‗plab  topiladi. 

Mahoratning bu kabi qirralari asar badiyatlarini yuqori pog‗onalarga ko‗taradi.  

Jahon  adabiyotshunosligida  adabiy-estetik  qarashlar  taraqqiyotining  izchil 

takomillashuvi 

badiiy 

tafakkur 

tadrijiy 

rivoji 

bilan 

bog‗liq 

ilmiy 

kontseptsiyalarning  yuzaga  kelishiga  asos  bo‗ladi.  Shu  bois  badiiy  olamni  o‗ziga 

xosligini  tadqiq  etish,  unga  tanqidiy  yondoshish  har  bir  xalq  adabiyoti 

taraqqiyotiga  naf  keltirishi  tayin.  Binobarin,  adabiy  ijod  jarayonini  ilmiy  jihatdan 

tekshirish,  ijodiy  niyatning  tug‗ilishi  va  moddiylashuvi  bilan  bog‗liq  omillarni 

o‗rganish, badiiy-estetik talqin xususiyatlaridagi o‗ziga xosliklarni ko‗rsatib berish, 

ijodkor shaxsining namoyon bo‗lishi bilan bog‗liq muammolarni nazariy asoslash 

muhim  ahamiyatga  ega.  Xulosa  qiladigan  bo‗lsak,  badiiy  asar  tili  adabiyotning 

o‗ziga xos xususiyati bo‗lib, u obrazlar orqali namoyon bo‗ladi. Yozuvchi yaratgan 

obrazlari  orqali  esa  kitobxoning  ruhiga  va  shuuriga  ta`sir  qiladi.  O‗tkir  ta`sir 

kuchiga  ega  obrazlari  bor  asargina  haqiqiy  badiiy  asar  sanaladi.  Oybekning 

―Qutlug‗ qon‖ romani ham obrazlar olamining boyligi va mukammalligi bilan ana 

shunday badiiy etuk asarlar sirasiga kiradi.  

Foydalanilgan adabiyotlar: 

1.

 

Sulton Izzat. Adabiyot nazariyasi. – T.: O‗qituvchi, 1986. 

2.

 

Abdulla Qahhor. Yoshlar bilan suhbat. – T.: Yosh gvardiya, 1968. 

3.

 

Yo‗ldosh Qozoqboy, Muhayyo Yo‗ldosh. Badiiy tahlil asoslari. – T.: 

Kamalak, 2016.