Ўзбекистон республикаси олий ва

Pedagogika fanining predmeti. Pedagogika tarbiyalash va o`qitish, bilim berish to`g`risidagi fan bo`lib, yunoncha pais (paidos) bola, ago – yetaklayman, tarbiyalayman degan ma’noni anglatib, ijtimoiy fanlar tizimiga kiruvchi fan hisoblanadi. Shaxsni shakllantirishga qaratilgan tizimli faoliyat mazmuni, ta’lim, ijtimoiy tarbiyaning umumiy qonuniyatlari, shakllari, metodlari, vositalari, yagona ijtimoiy maqsad asosida yosh avlodni milliy istiqlol g’oyasi ruhida tarbiyalash, unga ta’lim berish muammolarini o’rganadi. Pedagogika fani shaxsni rivojlantirishning ikki muhim jihati, uni o’qitish va tarbiyalashga e’tiborni qaratadi. a) didaktika (ta’lim nazariyasi) b) tarbiya nazariyasi Pedagogika fanning muhim tarkibiy qismlari hisoblanadi. Ta’lim umumiy va maxsus ta’lim kabi turlarga ajratiladi. Umumiy Didaktika(ta’lim nazariyasi, yunoncha “didaktikos”-“o’rgatuvchi”, “didasko”-“o’rganuvchi”) – ta’limning nazariy jihatlari, ta’lim jarayonining mohiyati, tamoyillari, qonuniyatlari, talaba va o’qituvchi faoliyati, ta’limning maqsadi, mazmuni, shakllari, metodlari, vositalari, natijasi, ta’lim jarayonini takomillashtirish yo’llari va hokazo muammolarni tadqiq etadi. Pedagogika fanining muhim tarkibiy qismlaridan yana biri – bu tarbiya nazariyasi sanaladi. Tarbiya nazariyasi bevosita tarbiya jarayonini o’rganadi.

Ijtimoiy tarbiya aqliy, axloqiy, jismoniy, mehnat, estetik, iqtisodiy, huquqiy, ekologik va jinsiy tarbiya kabi yo’nalishlarda tashkil etiladi.