Ўзбекистон республикаси олий ва

Sangvinik – qo`zg`alish va tormozlanish jarayonlari kuchli, lekin muvozanatlashgan. Bunday Shaxs o`zini tuta oladi, intizomli, ma`suliyatli ishlarda o`z kuchini to`g`ri taqsimlay oladi, yangi faoliyat to`rini tez o`rganadi, nizoli vaziyatlarda kelisha oladi, kelajakka ishonch bilan qaraydi. Tavakkalchi, tezda natijaga erishishga harakat qiladi, puxta o`ylab tez qaror qabul qiladi, ko`tarinki va turg`un kayfiyat egasi.

Flegmatik - harakatlari sekin, sabr-toqatli, tanholikda yaxshi natijalarga erishadi, muloqot doirasini kengaytirishni istamaydi, deb ayta olmaymiz-u, uni muloqotga chorlovchi odamlar bo`lsa bo`lgani. Do`stlariga sodiq, o`rganib qolgan sharoitida yaxshi faoliyat yuritadi vao`zgaruvchan muhitga moslashishi qiyin, shovqinni yoqtirmaydi, bir joyda o`tirib bajariladigan ishni ma`qul ko`radi. Yangi odamlar bilan muloqotga kirishishi qiyin, lekin o`rnatilgan aloqalarni, ularni sir-asrorlarini saqlay oladi. Saranjom-sarishtali, tartibni yoqtiradi, intizomli, boshlagan ishini oxiriga yetkazishga harakat qiladi, tashkilotdagi an`analarga sodiq. Quyidagi yarim hazil o`xshatish qarama-qarshi temperament tiplari tavsifini tushunishni engillashtiradi:”...odatda urushni xolerik va sangviniklar olib boradilar,flegmatiklar vayronalarni tiklaydilar”

Melanxolik -nozik dilli,hissiyotga o`ta berilgan, o`z ichki dunyosiga va kechinmalariga e`tiborli. Bunday insonlar orasida san`atga qobiliyatlilar ko`p uchraydi. Ulardan ajoyib rassomlar, yozuvchi va shoirlar etishib chiqadi. Murakkab va nizoli vaziyatlarda harakati sust, tezkor vazifalarni hal etishda asabiylashadi va tez toliqadi.

Muhitga nisbatan kishilarni ikkita tipga ajratib o`rganish mumkin: Ekstrovert – o`zgalar bilan muloqotda bo`lish ehtiyoji katta va bu orqali o`ziga kuch oladi, faol va muloqotga kirishuvchan, atrof-muhitdagi ko`p narsalarni bilishga intiladi, avval gapirib keyin o`ylaydi. Introvert - yakka, tanho qolganda o`zini yaxshi his qiladi, fikr va o`ylari bilan o`rtoqlashmaydi, kuchli muhokama jarayoni ularni tez toliqtiradi, gapirishdan ko`ra tinglashni yaxshi ko`radi. Yuqorida sanab o`tilgan temperament tiplari tug`ma bo`lib, ularni o`zgartirib bo`lmaydi. Lekin, inson o`z-o`zini tarbiyalashi davomida biron-bir temperamentga xos xislatlarni o`zida shakllantirishi mumkin.