¤збекистон республикаси олий ва

2.1. Расм. ИСО 9000 сериясидаги стандартлар комплексининг тузилиши


ИСО 9000 сериясидаги стандартлар:
ИСО 9000 «Сифатни умумий бошқариш ва сифатни таъминлашда
стандарт танлаш ва қўллаш бўйича бошқарув кўрсатмалари»
ИСО 9001 «Сифат системаси. Лойиҳалаш, ишлаб чиқаришга
тайёрлаш, ишлаб чиқариш, монтаж ва хизмат кўрсатишда сифатни таъминлаш модели»
ИСО 9002 «Сифат системаси. Ишлаб чиқариш ва монтаж қилишда
сифатни таъминлаш модели»
ИСО 9003 «Сифат системаси. Якуний назорат ва синов жараёнларида
сифатни таъминлаш модели»
ИСО 9004 «Сифатни умумий бошқариш ва сифат системасининг
элементлари. Бошқарув кўрсатмалари».
1994 йил ИСО/ТК 176 ИСО 9000 сериясидаги стандартларни қайта кўриб чиқишни якунлади.
Стандартларни қайта кўриб чиқишда ишчи гуруҳлар бозор талабларига мувофиқ ҳолда қуйидаги вазифаларни бажаришни мақсад қилиб қўядилар:

• 
  Стандартларда уларни қўллашнинг илғор амалий тажрибаларини акс эттиришни таъминлаш;
  
• 
  Стандартларнинг мувофиқлиги ва стабиллигини таъминлаш;
  
• 
  Уларнинг катта-кичиклиги, қайси тармоққа тегишли эканлиги, қандай маҳсулот ишлаб чиқарилишидан қатъий назар компаниялар томонидан стандартларнинг қўлланишига имкон бериш.
  

ИСО 9000 сериясидаги стандартларга ўзгаришлар киритилди. ИСО 9001, ИСО 9002, ИСО 9003 стандартлари қайта кўриб чиқилди. ИСО 9004 стандартларига камроқ ўзгаришлар киритилди. Масалан, «Сифат ҳалқаси» тушунчаси «Маҳсулот ҳаёт циклининг типик босқичлари» тушунчаси билан алмаштирилиб, «Техникавий ёрдам ва хизмат кўрсатиш» босқичидан кейин қўшимча сотилгандан кейинги фаолият» қўшилди. ҳозир олтинчи бўлим «Сифат системасининг молиявий аспектлари» деб аталади ва молиявий маълумотлар элементларини намоён қилиш ва таҳлил қилиш учун маълумотлар тўплашнинг турли усуллари қисқача тавсифи билан тўлдирилган.
ИСО 9000 сериясидаги тўлдирилган стандартлар 1994 йил июлида нашр қилинди. ҳозирги кунда бу стандартлар рус тилига ўгирилган.