Ўзбекистон республикаси олий ва урта махсус таълим вазирлиги урганч давлат университети менежмент ва маркетинг кафедраси

1-МАВЗУ. “АГРОБИЗНЕСНИ ТАШКИЛ ЭТИШ ВА БОШҚАРИШ” ФАНИНИНГ ПРЕДМЕТИ, ЎРГАНИШ УСУЛЛАРИ ВА ВАЗИФАЛАРИ
Режа:

1. 
   Агробизнесни ташкил этиш ва бошқариш фанининг предмети ва вазифалари.
   
2. 
   Қишлоқ хўжалигининг Республика ижтимоий иқтисодиётида тутган ўрни ва аҳамияти.
   
3. 
   Иқтисодиётни модернизақия қилиш шароитида аграр соҳани ривожлантириш йўллари.
   
4. 
   Агробизнесни ташкил этиш ва бошқариш фанининг ўрганиш усуллари.
   

Ишлаб чиқариш кучлари ва ишлаб чиқариш муносабатларини илмий асосларини яратиш қишлоқ хўжалигини ривожлантиришда ниҳоят муҳим аҳамият касб этади.
қишлоқ хўжалигида талабга жавоб берадиган қуйидаги ҳуқуқий, ташкилий иқтисодий ва ижтимоий муносабатлар тизими яратилди, яъни:

• 
  мулкчиликнинг турли шакллари барпо этилиши, натижасида эркин мулкий муносабатлар вужудга келди, тадбиркорликнинг ҳар хил турларини яратиш, уларни ривожлантириш йўллари изланмоқда, ер-сув ислоҳотлари амалга оширилмокда;
  

-тармоқнинг чекланган ишлаб чиқариш ресурслари (ер-сув, капитал, меҳнат, тадбиркорлик қобилияти)дан самарали фойдаланиш, ишлаб чиқарилган маҳсулотларни сотиш, даромад, фойда ва уларнинг тақсимланиши, инвестицияларни жалб этиш, улардан самарали фойдаланиш, тармоқ ишлаб чиқаришини мақсадга мувофиқ жойлаштириш, ихтисослаштириш ҳамда агросаноат интеграциясини ҳалқаро муносабатлар асосида ташкил этиш билан боғлиқ бўлган иқтисодий муносабатлар тизими яратилиб, улар такомиллаштирилмокда,.
Юқорида таъкидланган иқтисодий муносабатлар тизимини яратишда ҳалкимиз ҳамда қишлоқ хўжалигининг ўзига хос хусусиятларини эътиборга олган ҳолда табиий, ижтимоий, иқтисодий қонунлар, иқтисодий категориялар талабларидан оқилона фойдаланиш тоқозо этилади.
Қишлоқ хўжалигининг барқарор иқтисодий асосини, такрор ишлаб чиқариш жараёнини ривожлантиришни таъминлайдиган иқтисодий муносабатлар тизимини яратиш, уларни ҳаётга жорий этиш масалаларини, йўлларини ўрганиш, қишлоқ хўжалиги ишлаб чиқаришини илмий меъёрлар доирасида бошқариш ва бошқаришни ташкил этиш «Агробизнесни ташкил этиш ва бошқариш» фанининг предмети ҳисобланади.