Њзбекистон республикаси олий ва њрта

antik va Evropa falsafasi va fani asoschilaridan biri; yunon astronomiyasi va 
geometriyasiga  asos  solgan;  quyosh  tutilishini  bashorat  qilgan  (mil.  av.  585 
yil), bir qancha geometrik teoremalarni birinchi marta isbotlagan. 
 
Forobiy Abu Nasr (870-950) 
-  SHarq  faylasufi  va  qomusiy  olimi,  Aristotel  va  Platon  asarlariga  sharhlar 
yozgan; uning «Musiqa haqida katta risola» asari – SHarq va qadimgi yunon 
musiqa  tizimi  haqidagi  muhim  manba;  SHarqda  ham,  G‘arbda  ham  falsafa 
va fanning rivojlanishiga katta ta’sir ko‘rsatgan. 
 
Foma Akvinskiy (1225-1274) 
-  italyan  faylasufi  va  ilohiyotchisi;  ortodoksal  sxolastikani  tizimga  solgan; 
dominik  mazhabiga  mansub  monax;  tomizm  asoschisi;  asosiy  asarlari  - 
«Ilohiyot  yig‘indisi»  va  «Dahriylarga  qarshi  yig‘indi»da  etuk  sxolastika 
ratsionalistik izlanishlariga yakun yasagan.  
 
 

---

 
146 
 
Frank F. (1884-1966) 
-  avstriya-amerikalik  fizik  va  faylasuf;  neopozitivizm  namoyandasi; 
fizikaning  asosiy  tushunchalarini  falsafiy  tahlil  qilish,  fizik  bilimlar  sohasini 
mantiqiy  tahlil  qilish  bilan  shug‘ullangan,  biologiyada  vitalizmni  tanqid 
qilgan.  
 
Freyd Z. (1856-1939) 
-  avstriyalik  nevropatolog,  psixiatr  va  psixolog,  psixoanaliz  asoschisi;  bosh 
miya  fiziologiyasi  va  anatomiyasini  o‘rgangan,  nevrozlar  muammosi  bilan 
shug‘ullangan;  seksuallik  rivojlanishining  psixik  jihatlarini  birinchilardan 
bo‘lib  o‘rgana  boshlagan;  1907  y.da  ongsizlikning  klassik  ta’rifini  bayon 
qilgan;  «Men  va  u»  (1923)  asarida  shaxsning  psixologik  strukturalari 
haqidagi ta’limotni rivojlantirgan. 
 
SHlik M. (1882-1936) 
-  avstriyalik  faylasuf  va  fizik;  mantiqiy  pozitivizm  dastlabki  bosqichi 
namoyandasi;  pozitivistik  fan  falsafasini  faol  ishlab  chiqqan  Vena  to‘garagi 
asoschisi;  fan  falsafasi  muammolari,  zamon,  makon,  sababiyat,  ehtimollik 
tahlili bilan shug‘ullangan. 
 
SHpengler O. (1880-1936) 
-  nemis  faylasufi,  «hayot  falsafasi»  oqimining  vakili,  madaniyat  falsafasi 
asoschilaridan  biri;  asosiy  asari  –  «Evropaning  so‘nishi»  (1918-1922); 
evropotsentrizmga, tarix jarayonining «chiziqli» yo‘nalishiga qarshi chiqqan, 
to‘laqonli, lekin har xil madaniyatlarning ko‘pligi g‘oyasini himoya qilgan. 
 
Eynshteyn A. (1879-1955) 
-  hozirgi  zamon  fizikasi  asoschilaridan  biri,  nisbiylik  nazariyasi  muallifi, 
kvant  nazariyasi  va  statistik  fizika  asoschilaridan  biri,  Nobel  mukofoti 
laureati (1921); zamon va makon, ularning o‘zaro aloqasi, ob’ektning zamon-
makon  munosabatlari  uning  harakati  tezligiga,  tortishish  kuchlariga 
bog‘liqligi  haqidagi  yangi  qarashlarni  rivojlantirgan;  M.Plank  bilan  birga 
kvant fizikasiga asos solgan.