Ўзбекистон республикаси олий ва ўрта таълим вазирлиги

 
КИРИШ
Фан-техника тараққиѐти бино ва иншоотларнинг реал техник ҳолатини
аниқлашда текширишнинг илғор усулларни қўллаш, замонавий диагностик 
асбоблардан фойдаланишни тақозо қилади. Мавжуд эксплуатациядаги бино ва 
иншоотлар ишончлилиги ва умрбоқийлиги кўп жиҳатдан уларда ўтказиладиган 
режавий жорий ва капитал таъмирлаш ишларига боғлиқ бўлади. Сир эмас, 
ҳозирги кунда мавжуд тураржой, жамоат, саноат ва бошқа бино ва 
иншоотларнинг аксарият қисми худди шундай таъмирлаш ишларига муҳтож. 
Мазкур биноларнинг кўпгина конструктив элементлари аллақачон ўзининг 
меъѐрий хизмат даврини ўтаб бўлган. Турли табиий ва антропоген таъсирлар 
остида бундай биноларда конструктив элементларнинг шикастланишга 
мойиллиги ортиб бораверади.
Корхоналарда, маҳаллий хокимият органлардаги молиявий танқислик 
яқин келажакда бино ва иншоотларнинг техник ҳолати масаласини глобал 
муаммога айлантиради.
Халқ хўжалигининг барча соҳаларидаги объектларда, айниқса, катта 
шаҳарларда табиий ва техноген таъсирлар натижасида талофатни мумкин қадар 
камайтириш, сейсмик нуқтаи назардан аҳоли хавфсизлигини таъминлаш 
мақсадида бугунги кунда бино ва иншоотларда мониторинг тизимини, уларда 
деформация ва бошқа ўзгаришларни доимий назорат қилишни жорий қилиш 
пайти келди. Бундан ташқари, бино ва иншоотларнинг реал техник ҳолатини 
тадқиқ қилиш, конструктив элементлардаги емирилиш даражаларини, уларнинг 
қолдиқ хизмат даврларини аниқлаш - мустақиллик йилларида республикамизда 
шаклланган кўчмас мулкни иқтисодий баҳолашда, техник, иқтисодий ва 
ҳуқуқий масалаларни ечимида ҳам муҳим аҳамиятга эгадир.

---

8 
I - БОБ. Бино ва иншоотларни техник баҳолаш ҳолатининг
қисқача таҳлили 
 
1.1 Бино ва иншоотларнинг техник ҳолатини