Ўзбекистон республикаси олий ва ўрта таълим вазирлиги тошкент тиббиёт академияси

Тузувчи:
М.Ж.Аллаева		б.ф.д., доцент

Тақризчилар:
З.Т.Файзиева		т.ф.д., доцент, ТошФармИ илмий тадқиқот ва илмий педагог кадрлар тайёрлаш сектори мудири
Б.Ш.Шоисламов		т.ф.д., Тошкент Тиббиёт Академияси фармакология кафедраси профессори

КИРИШ

Мазкур дастур Ўзбекистон республикаси олий ўқув юртлари магистратурасига қабул қилиш Низомига асосан тузилган бўлиб, 5А510126 “Фармакология” мутахассислигига “Фармакология” таълим йўналишининг ўқув дастури асосида магистратурага ўқишга кирувчиларни мутахассисликка оид назарий билимларини ва амалий кўникмаларини, ижодий ишлаш қобилиятларини, фикрлаш даражасини аниқлашга қаратилган.

Магистратура олий таълимнинг юқори босқичи бўлиб, талабаларни илмий, педагогик ва ижодий (амалий) фаолиятларга йўналтиришга қаратилган. Шу боисдан “Фармакология” мутахассислиги бўйича магистратурага кирувчилар тахлилий ва танқидий фикрлаш, мустақил илмий-тадқиқот, ижодий изланишларни олиб бориш ва хар бир ишга ижодий ёндашиш қобилиятига эга бўлиши лозим. Дастурдан ўрин эгаллаган билимлар ва мавзулар “Фармакология” таълим йўналишига оид барча асосий фанларни қамраб олган.