Ўзбекистон республикаси олий ва ўрта таълим вазирлиги самарканд иқтисодиёт ва сервис институти “магистратура” булими

Мавзуни ўрганилганлик даражаси. Савдо корхоналари, чунончи улгуржи савдо корхоналари фаолияти, уларда аудит масалалари республикамиз олимларидан Абдукаримов Б.А., Абдуллаев Р.А.,Мухаммедов М.М., Мусаев Х.Н. Уразов К.Б. томонидан чоп этилган ишларда ўрганилган². Ушбу соҳада бухгалтерия ҳисоби ва аудит масаларини ўрганишда проф. Пардаев М.К., проф.Дустмурадов Р.Д., проф.Тўлаходжаева М.М ва бошқалар қаламига мансуб ишлар³ ҳам муҳим ҳисобланади.
Курс иши мавзусининг тадқиқот амалга оширилган олий таълим муассасасининг илмий-тадқиқот ишлари билан боғлиқлиги. Мазкур битирув иши Самарқанд иқтисодиёт ва сервис институти ҳамда “Бухгалтерия ҳисоби ва аудит” кафедрасининг илмий-тадқиқот ишлари режасига мос келади ва унинг доирасида бажарилган.
Курс иши олдига қўйилган мақсади улгуржи савдо корхоналарида товар операциялари аудитининг назарий, методологик ва ташкилий жиҳатларини ўрганиш ҳамда уларни яхшилашга қаратилган таклиф ва тавсияларни ишлаб чиқишдан иборат.
Курс иши олдига қуйидаги вазифалар қўйилди:
- савдо фаолияти, чунончи улгуржи савдо фаолиятининг аудит объекти сифатидаги моҳияти, таснифи ва тавсифий хусусиятларини очиб бериш;
- улгуржи савдо корхоналари мақсадларидан келиб чиқиб, уларда аудит олдида турган мақсад ва вазифаларни белгилаш;
- улгуржи савдо фаолиятига ихтисослашган субъектларда товар операцияларини ҳужжатлаштириш, уларга доир моддий жавобгар шахслар ҳисоботларини тузиш, улар ҳисобини юритиш ҳамда аудитини ўтказиш тартибларини тадқиқ қилиш, уларни янада яхшилашга оид илмий-амалий тавсияларни бериш.
Курс ишида қуйидаги натижаларга эришилди:
- савдо фаолияти, чунончи улгуржи савдо фаолиятининг аудит объекти сифатидаги моҳияти, уни юритувчи субъектларнинг таснифи ва тавсифий хусусиятлари очиб берилди;
- улгуржи савдо корхоналарда товар операциялари аудитининг мақсади ва вазифалари белгиланди;
- «SIFAT SHAROB SAVDO» ИБ УК хўжалик фаолиятига тавсиф берилди;
- товар операцияларини ҳужжатлаштириш тартиби очиб берилди;
- улгуржи корхоналарида товар операциялари аудитини ташкилий жиҳатлари ўрганилиб, унинг режаси ва дастури ишлаб чиқилди;
- товарлар ва улар ҳолати ва харакатини ифодаловчи хўжалик операциялари аудитининг услубияти кўрсатиб берилди.