Ўзбекистон республикаси олий ва ўрта маҳсус таълим вазирлиги

 
Синов саволлари 
 
1. Қурилиш қоришмаларининг қандай хилларини биласиз? Уларнинг 
хоссалари ва таркиби ҳақида гапириб беринг. 
2. Безакли қоришма ҳиллари, пигментлар ва уларни таркиби. 
3. Оқ ва рангли цементлар нима, улар орасидаги фарқ? 
4. Қуруқ аралашмалар нима? 
 
 
 
9 - МОДУЛ
ТЕМИР АШЁЛАР ВА ДЕКОРАТИВ БУЮМЛАР. 
РЕЖА 
9.1 Чўяннинг хоссалари 
9.2 Пўлатнинг хоссалари 
9.3 Пардозбоп рангли темирлар ва қотишмалар 
9.4 Легирланган пўлат 
9.5 Алюмин ва унинг қотишмалари. 
9.6 Мис ва унинг қотишмалари. 
9.7 Темир уни 
Азиз ўқувчида савол туғилиши мумкин: — нега «темир ашъёлар» деб 
номланган, бошқа китобларда «металл материаллари»айтилганку? Дарҳақиқат 
шундай. «Темир рудаси» сўзи атамаларда расмий тан олинган. Бу дегани тоғ 
жинси хомашъёсида темир моддаси борлигидан даракдир. Уни эритдик. 
Демак, хомашъёдан темирни ажратдик ва «темир ашъёси» ҳосил бўлди. 
Ер юзида темир рудаси кенг тарқалган, аммо ундаги темир миқдори 
саноат даражасида қазиб олишга иқтисодий самарадорлиги қониқарли эмас. 
Тоғ жинси рудадаги темирнинг кимёвий таркибига кўра темир хархил 
турларга бўлинади. Темир рудасидаги асосий минералар миқдори қуйида 

---

келтирилган: магнезит-70-75%, гематит-70%, гидротацияланган, яни табиий 
шароитда қотган лимонит-60%, темир оксиди сидерил-40% /5/. 
Биз муаллифлар «темирчи» устани «металлчи уста» дейиш нотўғри 
бўлади деган фикрдамиз. 
Пардозловчи ёки архитектор учун темир ашъёларини билиш 
шартмикин? Биз шарт деб ўйлаймиз. Чунки, чўян, пўлат, алюмин ва рангли 
темирлардан қурилишни пардозлаш ишларида кенг фойдаланилади. 
Ўзбекистон темир саноати ва унинг пайдо бўлишига доир бой тарихга 
эга эмас. Бунга сабаб, бизнинг ер ости бойликларимизда темир рудасининг 
камлиги бўлса керак. 
Ҳозирги вақтда темир ишлаб чиқариш саноати асосан қуйидаги 
технологияларга асосланган. Юқори ҳарорат тоғ жинси - рудани эритиб 
олинган суюқ темирни кислород билан қайнатиб юқори сифатли пўлат олиш; 
суюқ пўлатни вакуумлаш усулида сифатини ошириш; нефелиндан алюмин 
олиш; прокат усули билан эгилувчан юпқа лентасимон пўлат ўрамалари олиш; 
вакуумда (сўриш) диффузия усули билан пайвандлаш ва ҳ.к. Пўлат бу темир 
қўшиб вакуумда қайта ишлаб (легирлаш); темир кукунини қайта ишлаш ва 
зичлаш каби бир қатор янги технологияларга асосланган темир саноати 
мавжуддир. 
Углеродли темир эритмаларидан олинадиган ашъёларга асосан пўлатни 
киритиш мумкин. Пўлат юқори ҳароратда эритилганда ёки совитилганда 
ундаги углероднинг камайиши ёки ошиши ҳисобига пўлатнинг хоссалари 
кескин ўзгаради. Тоғ жинси темир руда (тош)ни 1550ºС да эритиб тоза темир 
(Fe
2
O
3
)олинади. Эритма таркибида углерод миқдори 2% гача бўлса - пўлат, 2% 
дан ошса чўян деб аталади.