Ўзбекистон республикаси олий ва ўрта маҳсус таълим вазирлиги

 
4.5. Локнинг хоссалари 
Локлар бошқа лок-бўёқ ашёлар каби одатдаги синашлардан, яъни қотиш 
вақти, қовушқоқлиги, ранги, зарарли муҳитда чидамлилигини аниқлашдан 
ташқари қуйидаги ўзларига хос усуллар билан ҳам синаб кўрилади. 
Локнинг силжиб текисланиш хусусиятини аниқлаш учун уни 
тайёрланган юзага мўйқалам билан суртилади ва пайдо бўлган излар маълум 
вақтдан кейин бутунлай йўқолиши керак. Локларнинг текисланиш хусусияти 
изларни йўқотиш вақтига қараб аниқланади. Мўйқалам излари лок 
суртилгандан кейин 10 дақиқа ичида ёқолса - локнинг текисланиши яхши деб, 
излар йўқолиши учун 10 дақиқадан ортиқ вақт кетса, секин текисланган деб, 
излар 15 дақиқадан кейин йўқолса, текисланиш қониқарсиз деб ҳисобланади. 
Ялтироқлиги кўз билан чамалаб аниқланади. Ялтироқлик — юқори, 
ўртача, ярим жилосиз ва жилосиз хилларга бўлинади. 
Локларнинг силлиқланиш хусусияти стандартда кўрсатилган муддатда 
қотгандан кейин аниқланади. Силлиқлаш учун бир парча қаттиқ газлама билан
пемза тош кукуни ва сувга тегизилган холатда лок суртилган юза ишқаланади. 
Лок парданинг намга чидамлилигини текшириб кўриш учун 
синалаётган лок суртилган пўлат пластинканинг 2/3 қисми сувга ботирилади 
ва ғадир-будирлик, пуфакчалар ва кўчган жойлар пайдо бўлганига қараб 
бахоланади. 
Лок парданинг қаттиқлиги тажрибахонада, маятникли ас модул 
ёрдамида текшириб кўрилади. Бу усул лок парда юзасига ўрнатилган маятник 
тебранишининг сўниш вақтини, шиша пластинка устига ўрнатилган шу 
маятник тебранишининг сўниш вақтига нисбатини топишга асосланган. 
Лок пардаларнинг зарбга пишиқлиги тажрибахонада ас модул ёрдамида 
аниқланади. Синаш усули 1 кг келадиган юк лок парда устига (унга шикаст 
етказилмаган ҳолда) қандай максимал баландликдан ташланишини топишга 
асосланган. 
4.6. Силлиқлаш ашёлари ва шпателёвкалар 

---