Ўзбекистон республикаси олий ва ўрта маҳсус таълим вазирлиги қарши муҳандислик иқтисодиёт институти нефть ва газ факультети

Синов саволлари:

1. 
   Ростлаш қонунига таъриф беринг.
   
2. 
   Ростлагичнинг функционал схемасини тшунтиринг.
   
3. 
   Ростлагич қандай элементлардан ташкил топган?
   
4. 
   Қандай ростлаш қонунларини биласиз?
   
5. 
   П, И, Д, ПИ, ПД, ПИД ростлагичларнинг ўтиш характеристикаларини тасвирлаб беринг.
   
6. 
   П, И, Д, ПИ, ПД, ПИД ростлагичларнинг статик ва динамик характеристикалари қандай кўринишга эга?
   
7. 
   П, И, Д, ПИ, ПД, ПИД ростлагичларнинг қандай созлаш параметрларини биласиз?
   

14-маъруза. Кўп контурли АБСлар
Маъруза режаси:
1. Комбинирлашган АБСлар.
2. Инвариантлик принципи.
3. Каскад АБСлари.
4. Кўп контурли АВСларни қўлланилиш ҳолатлари.
5. Кўп контурли АБСларини ҳисоблаш усуллари.

Стандарт ростлаш қонунларини қўлланилган оддий бир контурли системаларда ростлаш сифатининг қониқарли бўлиши объектнинг ўтиш характеристикалари мақбул бўлган ҳоллардагина яхши натижалар беради. Аммо кўплаб ишлаб чиқариш жараёнлари объектлари учун катта кечикиш ва катта вақт доимийлари ўринлидир. Бундай холларда бир контурли АРСнинг ростлагичи энг оптимал созланган бўлса ҳам бу системалар катта динамик хатолик, ростлашнинг паст частотаси ва узоқ ўтиш характеристикаларига эга бўлади. Ростлаш сифатини яхшилаш учун бир контурли АРСларидан ғалаён ёки ёрдамчи чиқиш координаталари бўйича қўшимча (коррекцияловчи) импулс қўлловчи мураккаброқ системаларга ўтиш лозим бўлади. Бундай системалар оддий стандарт ростлагичлардан ташқари ёрдамчи ростловчи қурилма – динамик компенсаторлар ёки қўшимча ростлагичларни ўз ичига олади.

Коррекцияловчи импулс характерига кўра қуйидаги кўп контурли АРС мавжуд: динамик компенсатор орқали ғалаён бўйича қўшимча импулс киритиладиган қўшимча таъсир канали бўлган ёпиқ ростлаш контурини ўз ичига олувчи комбинирлашган АРСлари; ростлаш учун асосий чиқиш координатасидан ташқари қўшимча оралиқ импулсни қўллайдиган икки стандарт ростлагичлар асосида қурилган икки сатҳли ёпиқ АРСли каскад АРСлари.