Ўзбекистон республикаси олий ва ўрта махсустаълим вазирлиги абдулла қодирий номидаги жиззах давлат педагогика институти

Илмий-педагогик ва малакавий амалиёт давомида магистрантлар олиб борадиган ишлар
«Магистратура тўғрисидаги Низом» ва Давлат таълими стандартиталаблари ҳамда институтнинг ўзига хос хусусиятларидан келиб чиқиб, магистрантлар амалиёт давомида қуйидаги ишларни амалга оширадилар:
1. Институтдаги илмий-педагогик амалиёт дастури бўйича барча топшириқларни ўз вақтида бажариш.
2. Институт, академик лицей ва касб-ҳунар коллежлари тажрибали профессор-ўқитувчилари ҳамда магистрантларнинг синов дарсларни кузатиш ва таҳлил этиш.
Шулардан:

• 
  Олий таълим профессор-ўқитувчилари дарслари 12-15 марта
  
• 
  Академик лицей ва касб-ҳунар коллежлари ўқитувчилари дарслари 5-10 марта
  

3. Ихтисослик фанлари юзасидан камида 2-3 та фанларнинг ўқув дастурини таҳлил этиш ва шу асосда “Ишчи режа” тузишни ўрганиш.
4. Ихтисослик фанларидан 2 та фан юзасидан рейтинг асосида баҳолашни ўрганиш ва тузиш.
5. Ихтисослик бўйича камида 3 предмет юзасидан 2 тадан маъруза матнлари тайёрлаш. Маъруза матнини тузишда Олий таълим ДТС талаблари ва янги педагогик технологиялардан қандай фойдаланганлиги инобатга олинади.
6. Ихтисослик фанларидан 2 та предметдан семинар, амалий ва лаборатория машғулотларини ўтказиш режасини тузиш:

• 
  Амалий машғулот – 2 соат
  
• 
  Семинар машғулот – 2 соат
  
• 
  Лаборатория машғулот – 2 соат
  

7. Академик лицей кафедралари, ихтисослик кафедралари ва бакалавриат деканатлари иш фаолияти, ҳужжатлари билан танишиш, ўрганиш ва шу асосда таҳлилий хулосалар ёзиш.
8. Ихтисослик фанлари юзасидан бакалавр талабалари ҳамда академик лицей ва касб-ҳунар коллежлари ўқувчиларига очиқ-кўргазмали дарслар ўтиш. Шундан:

• 
  Олий таълимда маъруза – 12 соат;
  
• 
  Олий таълимда семинар, амалий ва лаборатория машғулоти – 12 соат;
  
• 
  Академик лицей ва касб-ҳунар коллежларида дарс – 8 соат;
  

9. Олий таълим ва академик лицейларда ўқиш-ўқитишни такомиллаштириш юзасидан таклифлар ёзиш, имкониятга қараб методик тавсияномаларни эълон қилиш.
10. Бакалавр тизими ва академик лицей гуруҳ раҳбарлари иш фаолиятини ўрганиш ва 2 соатлик мулоқат соати ўтиш.
Олий таълим, академик лицей ҳамда касаб-ҳунар коллежларида ўтиладиган машғулотларнинг камида 50% синов дарси сифатида олиб борилади. Синов дарсида амалиёт раҳбари, етакчи профессор-ўқитувчилар, магистрантлар ҳамда қизиққан барча мутахассислар иштирок этади ва кафедра йиғилишида муҳокама қилиниб, баённома тузилади.
Магистрантларнинг илмий-педагогик амалиёти асосан ихтисослик кафедраларида олиб борилади. Зарурат туғилганда халқ таълими соҳасининг турли муассасаларида тегишли шартномалар асосида олиб борилиши ҳам кўзда тутилади. Ҳамкорлик шартномалари амалиёт ўташда 1 ой олдин имзоланади ва икки томонлама тасдиқланади.