Ўзбекистон республикаси олий ва ўрта махсус таълимвазирлиги гулистон давлат университети

Лойиҳа мақсади.
Сирдарё вилоятининг шароитига мос Павловния дарахти навларини ташлаш ва кўчатзорини ташкил этиш.
Лойиҳа вазифалари
1. Павловния дарахти кўчатзорини ташкил этиш ва етиштириш;
2. Павловния ўсимлигини жадал кўпайтириш усулини ишлаб чиқиш;
3. Павловния дарахти кўчатларидан кўкаламзорлаштиришда фойдаланишни йўлга қўйиш;
4. Павловния дарахти кўчатлариии етиштириш ва кўкаламзорлаштиришда фойдаланиш буйича тавсиялар тайёрлаш ва чоп этиш.
5. Павловния дарахти кўчатини етиштириш бўйича сервис хизматини ташкил этиш.
Мазкур лойиҳада ечилаётган муаммолар Ўзбекистон Республикаси Президентининг 2019 йил 26 октябрдаги “Ўзбекистон Республикасида 2030 йилгача бўлган муддатда ўрмон xўжалигини ривожлантириш концепцияси” тўғрисидаги қарорнинг ижроси билан узвий боғлиқ.
1.5. Ишнинг илмий янгилиги:
1. Илк бор Сирдарё вилоятининг шўрланган тупроқ шароитида Павловния дарахти кўчатзори ташкил этилади;
2. Илк бор Сирдарё вилояти шароитида Павловния дарахтини кўпайтириш усуллари аниқланади;
3. Илк бор Сирдарё вилояти шаротида Павловния дарахтидан кўкаламзорлаштириш ва агроўрмончиликда фойдаланиш йўлга қўйилади;
4. Илк бор Сирдарё вилояти шароитида кўкаламлаштириш ишларини олиб бораётган ўрмон хўжаликлари, хусусий фирмалар ва маҳаллий аҳоли учун Павловния кўчати етиштирилади.
5. Павловния кўчат ва ниҳолларини экиш ва тарбиялаш бўйича сервис хизмати ташкил этилади.
Биринчи босқич (2021 йил). Ушбу босқичда:
1. Шўрланган дала майдонида кўчатзорни ташкил этиш. Бунда кўчатзор ташкил қилинадиган ерни экишга тайёрлаш, тупроқдан намуналар олиш ва унинг таркибини кимёвий таҳлил қилиш, тупроқ шўрланиш даражаси, типини аниқлаш ҳамда ер ости сизот сувнинг таркибини кимёвий таҳлил қилиш ишлари бажарилади;
2. Павловния дарахти илдиз қаламчаларидан кўчат тайёрлаш усули аниқланади.
3. Павловния дарахти кўчатларини етиштириш бўйича агротехник тадбирлар ишлаб чиқилади;
4. Фенологик кузатувлар ва ҳисоблаш ишларини олиб бориш. Павловния экилган кўчатзорда дарахтларнинг ўсиш ва ривожланишини динамикаси аниқлаш.
5. Павловния дарахтини етиштириш бўйича тадқиқот ишларини давом эттириш. Ўсиш ва ривожланиш жараёнларини аниқлаш. Барча агротехник тадбирларни тўлиқ амалга ошириш. Олинган натижаларни умумлаштириш, уларни статистик таҳлил қилиш. Дастлабки маълумотлар бўйича оралиқ ҳисобот ёзилади.