Ўзбекистон Республикаси Олий ва ўрта махсус таълим вазирлигининг 201 йил " " даги " "-сонли буйруғининг иловаси билан фан дастури рўйхати тасдиқланган

I. Ўқув фанининг долзарблиги ва олий касбий таълимдаги ўрни

Дин кишилик жамияти ҳаётининг ажралмас бир қисмини ташкил этади. Инсоннинг динга нисбатан муносабати қандай бўлишидан қатъий назар, диний эътиқод ижтимоий ҳаётда ҳамиша ўз ўрнига эга бўлиб келган. Шу билан биргаликда, дин айрим жамиятларда давлат даражасида танқид қилиниб келинган бўлса, бошқаларида дин омили роли улуғланиб, таърифланган.
Лекин бундай ёндашувлардан қатъий назар, дин ҳодисаси мутахассисларнинг доимий диққат марказида бўлиб келган. Жумладан, социология фани ўзининг махсус йўналиши бўлган дин социологияси тимсолида динни алоҳида тадқиқот объекти сифатида таҳлил қилиб келмоқда.
Диннинг социологик таҳлилини ўзига хослиги шундаки, у дин билан боғлик бўлган ижтимоий жараёнларни ўзининг эмпирик базаси ёрдамида амалий жиҳатларда ҳам ўрганади.


II. Ўқув фанининг мақсади ва вазифалари
Фанни ўқитишдан мақсад – дин социологияси социология фанининг муҳим тармоқ йўналиши сифатида диннинг жамият ривожи турли босқичларидаги ижтимоий аҳамиятини ва уни социологик билимнинг бошқа таркибий қисмлари билан ўзаро алоқодорлигини ўрганишдан иборат.
Ушбу мақсадга эришиш учун фаннинг вазифаси – дин ҳодисаси билан боғлиқ ижтимоий жараёнларининг маълум бир қонуниятлар асосида кечишини пухта ўзлаштириш, дин ва диний эътиқод масалаларини социологик нуқтаи назардан таҳлил қилиш, ижтимоий тараққиётни таъминлашда диннинг аҳамиятини социологик таснифлаш кўникмасига эга бўлиш, замонавий жамиятдаги мавжуд муаммоларни бартараф этишда диний эътиқод омилини социологик талқин этишни шакллантириш, муайян диний ҳодиса ва воқеаларга кишиларнинг шахсий фикрларини аниқлашга қаратилган тақиқотларда иштирок этиш, дин ва диний эътиқод муаммоларини ўрганиш бўйича ўтказилган амалий социологик тадқиқотлар натижаларидан фойдалана олиш тажрибаларига эга бўлиш заруриятини талабаларга сингдириш фаннинг асосий вазифасидир.
Фан бўйича талабаларнинг билим, кўникма ва малакаларига қуйидаги талаблар қўйилади. Талаба:

• 
  жаҳон динлари ва уларнинг эволюцияси, диннинг социал функциялари, дин социологияси объекти ва предмети, дин социологияси социология фанининг тармоқ йўналиши, дин социологияси фанининг шаклланиши ва ривожланишининг асосий босқичлари ҳақида тасаввурга эга бўлиши;
  

• 
  дин муҳим социал феномен эканлиги, диннинг турли социологик назариялари, диннинг ижтимоий ҳаётдаги ўрни ва аҳамияти, дин ва социал стратификация муносабатлари, дин ва бошқа социал институтлар муносабати, диннинг ижтимоий ўзгаришларга фаол таъсири, секуляризация назарияси аҳамиятларини билиши ва улардан фойдалана олиши;