Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚНИ

E-Book: Ortopediya Portable ДАСТУРИЙ ТАЪМИНОТИНИ 
ТИББИЁТ ОЛИЙГОҲЛАРИ ЎҚУВ ЖАРАЁНИДАГИ АҲАМИЯТИ 
 
Гулямов С.С., Ганиев А.К. 
Тошкент педиатрия тиббиёт институти 
[e-mail] 
Ҳозирги вақтда ўқув жараёнида замонавий ахборот коммуникация 
технологиялар (АКТ)дан фойдаланиш давр талаби ҳисобланади. Барча 
соҳаларда бўлгани каби тиббиёт ҳам жадал суръатларда ўсиб бормоқда. 
Тиббиёт олийгоҳларида ўқув жараёнини сифатини ошириш, ҳамда, янги 
АКТдан кенг фойдаланиш мақсадида ТошПТИ травматология, ортопедия 
ва нейрохирургия кафедрасида талабаларга фанни ёритиш мақсадида E-
Book: Ortopediya Portable дастурий таъминоти шаклида электрон китоб 
жорий этиш режалаштирилди. Ҳозирги вақтда ушбу дастурнинг Demo 
версияси ишлаб чиқилди. 
Дастурий таъминот ўз ичига фанга қуйидаги маълумотларни қамраб 
олиши кўзда тутилган: мавзунинг матнли, жадвал ва график кўринишидаги
маълумотлари, мавзулаштирилган видео материаллар, тақдимотлар, 
назорат саволлари ва тестлар. Қўшимча сифатида веб сайтларга ва илмий 
амалий журналларга иловалар келтирилади. Шуни айтиш лозимки тестлар 
интерактив тусда бўлиб, фойдаланувчи айни вақтнинг ўзида ўз билим 
савиясини баҳолаш имконини беради. Бундан ташқари дастурда Web 
бўлими мавжуд бўлиб, бу бўлим ёрдамида фойдаланувчилар интернет 
тармоғига уланган ҳолда муаллифлар жамоасига ўз фикр-мулоҳазаларини, 
таклифларини юборишлари, дастурнинг янги версияларини кўчириб 
олишлари мумкин. Бундай функцияни мавжудлиги талабаларни фанни 
ўрганиш ва ўзлаштириш савиясини бир неча поғона юқорига кўтариш 
имконини яратади. 

---

761 
Дастурий таъминотни афзал томони компьютерга маҳсус иловаларни 
юклаш талаб этилмайди, Windows XP, 7, 8, 10 операцион тизимларда 
синовдан ўтди. Фойдаланувчидан маҳсус билим ёки малакани талаб 
этмайди. Дастурни исталаган кўчма сақлаш воситалари ёрдамида олиб 
юриш ва кўчириш имконияти бор. Бирламчи юклашни талаб этмайди. 
Дастурдан фойдаланиш учун минимал талаблар: 128 mb оператив ҳотира, 
500 mb доимий ҳотира, VGA 1024×768. 
Дастурни нотижорат мақсадда кўчириш, олиб юриш ва тарқатишга 
руҳсат этилган бўлиб, ундаги маълумотларни муаллифлар ҳуқуқларини 
ҳимоя қилиш мақсадида дастурдан қисман ёки тўлиқ иқтибос олишнинг 
исталган усулларига чеклов ўрнатилган. 
Шундай қилиб, ушбу дастурий таъминот ўқув жараёнини бир 
воситаси сифтида намоён бўлиб, уни янада юқори поғонага кўтаришга 
ёрдам беради. Талабаларда фанга қизиқишни кучайтириб билимларни 
ўзлаштириш сифатини оширади ва бу жараён замонавий АКТ билан 
уйғунлашган холда бажарилади.