Ўзбекистон республикаси олий ва ўрта махсус таълим вазирлиги ўзбекистон республикаси транспорт вазирлиги

Амалий машғулот № 2 хисоботи. 
Автомобиль транспортининг мамлакат иқтисодиётини 
ривожланишидаги тутган ўрнини ўрганиш
 
1.Ишдан максад: Автомобиль транспортининг Ўзбекистон 
Республикаси иқтисодини ривожланишидаги аҳамияти ва ўрни билан 
танишиш. 
2.Амалий машғулотни ўтказиш жойи ”А ва АХ” кафедраси сана 
17.09.2020й . 
3.Умумий маълумотлар: 
Ҳар бир саноат ўзига хос моддий-техника базасига ва ишлаб 
чиқаришнинг технологик хусусиятларига эга.
Транспортнинг моддий-техник базаси ва иқтисодий хусусияти бошқа 
тармоқ базаси хусусиятларидан жиддий фарқ қилади. Ишлаб чиқариш 
жараёнини тугаллаш учун тайёр маҳсулотларни истеъмолчиларга етказиш ва 
реализация қилиш лозим. Бу асосан муомала доирасида амалга оширилади ва 
транспорт ишлаб чиқаришнинг муомала соҳасидаги давоми ҳисобланади. 
Ҳар бир ишлаб чиқариш жараёни ниҳоясига етказади.
Транспорт тармоғида ҳам ишлаб чиқариш жараёни киши меҳнати ва 
ишлаб чиқариш воситаларидан унумли фойдаланиш орқали амалга 
оширилади, натижада махсулотнинг янги қиймати вужудга келади. Демак, 
транспорт ҳам моддий ишлаб чиқариш соҳасига кирди.
Транспортнинг қай ҳолатда эканлиги ва унинг иш бажариш даражаси 
муомала вақтига ва муомала ҳаракатига жиддий таъсир этади. Юкнинг йўлда 
кам ёки кўп вақт бўлиши транспорт воситасининг тезлигига боғлиқ бўлиб, у
муомала ҳаракатларининг кўп ёки кам бўлишига таъсир кўрсатади.
Транспортга қилинадиган ҳаражатларнинг миқдори, баъзи сабабларга 
кўра, унинг техника билан қай даражада жиҳозланганлигига ҳам боғлиқ 
бўлади. Ҳозирги замон транспорт воситалари киши меҳнатини ортиқча талаб 
қилмайди, чунки улар юксак техник-эксплуатацион кўрсаткичларга эгадир. 
Шунинг учун ҳам сарфланадиган вақт ва ҳаракатлар нисбатан оз бўлади. 
Транспорт чиқими миқдори унда банд булган ишчилар меҳнатининг 
унумлилигига ҳам анча боғлиқдир. Меҳнат унуми қанча юқори бўлса, 
ҳаракат шунча кам бўлади.
Юк ва йўловчилар ташиладиган масофанинг узоқ яқинлиги, юклар 
ҳажми ва вазни қилинадиган ҳаракатининг ошиши ёки камайишини объектив 
сабаблари ҳисобланади.