Ўзбекистон республикаси олий ва ўрта махсус таълим вазирлиги ўзбекистон давлат санъат ва маданият институти

11-мавзу. O‘z DSt 2310:2011 Электрон нашр турлари ва чиқувчи маълумотлар
Электрон нашр чиқувчи маълумотларининг таркиби ва жойлашиши электрон нашрнинг тури, физик элтувчилар сони ва безатилишига боғлиқ бўлади. Электрон нашр ва уни безатиш элементларининг турли хил жойларда жойлаштирилган айнан бир хил маълумотлари орасида фарқ бўлишига йўл қўйилмайди. Электрон нашрнинг барча ёки бир қатор жилдлари (қисмлари, босиб чиқарилишлари, нашрлари) учун умумий бўлган чиқувчи маълумотлар элементлари, уларнинг келтирилиши шаклида фарқларсиз тақдим этилиши керак.
12-мавзу. O‘z Dst 2311:2011 нашрлар, муаллифлик ҳуқуқини ҳимоя
қилиш белгиси. Умумий талаблар ва расмийлаштириш қоидалари
Ушбу стандарт китобларда ва брошюраларда, серияли нашрларда, нотали, картографик, изонашрларда, аудио ва видео нашрларда, электрон нашрларда жойлаштириладиган муаллифлик ҳуқуқини ҳимоя қилиш белгисининг таркиби ва тақдим этиш шаклига бўлган талабларни белгилаб беради. Стандарт ташкилий-ҳуқуқий шакли ва мулк шаклидан қатъи назар нашрлар, таҳририятлар, оммавий ахборот воситалари, фонограммалар ишлаб чиқарувчилари, аудио ва видео нашрлар ишлаб чиқарувчилари, электрон нашрлар учун мўлжалланган.


13-мавзу. O‘z DSt 2312:2011 Библиографик ёзув. электрон кўринишдаги
ахборот-кутубхона ресурсларининг библиографик тавсифи

Ушбу стандарт электрон кўринишдаги ахборот-кутубхона ресурсининг библиографик тавсифини MARC - форматда тузишнинг умумий талаблари ва қоидаларини белгилайди: библиографик тавсиф соҳалари ва элементлари тўплами, уларнинг жойлашиш кетма-кетлиги, элементларни тўлдириш ва тақдим этиш усули, шартли ажратувчи белгиларнинг қўлланиши, шунингдек миллий хусусиятларни қўллаган ҳолда, электрон кўринишдаги ахборот-кутубхона ресурсларининг тавсиф параметрларининг ҳисобини юритиш. Стандарт тавсифи ахборот-кутубхона муассасалари, илмий-техник ахборот идоралари, давлат библиография марказлари, бошқа библиография қилувчи муассасалар томонидан тузиладиган электрон кўринишдаги ахборот-кутубхона ресурсларига тегишлидир.