Ўзбекистон Республикаси Олий ва ўрта махсус таълим вазирлиги Ўзбекистои Ресиубликаси Соғлиқни сақлаш вазирлиги

12 БАРМОҚ ИЧАК ЯРАСИ - 12 бармоқ ичак шиллиқ қаватининг
ярали касаллиги. Касалликнинг белгилари юқорида қайд этилгандек
бўлади.
МЕЪДА ВА 12 БАРМОҚ ИЧАК ЯРА КАСАЛЛИГИ - номидан
маълум. Касаллик беЛгилари бунда ҳам юқоридагидек бўлади.
ПАНКРЕАТИТ - меъда ости бези яллиғланиши касаллиги. У ўткир
ёки сурункали шаклда кечиши мумкин. Касаллик белгилари қоринда
оғриқ, овқат ҳазм бўлишининг бузилиши (айниқса ёғлик, сутлик
овқатларда) иштаҳанинг бўғилиши.
ЭНТЕРИТ - ингичка ичак шиллиқ қаватининг яллиғланиши. Касаллик
белгилари ичакларда оғриқ, айниқса перисталтик (вақти-вакти билан
оғриқнинг кучайиши) огриқлар. Диспептик ҳолат кўнгил айниши, қусиш
ва ич кетиши, иштаҳанинг бўғилиши.
КОЛИТ - йўғон ичак шиллиқ қаватининг яллиғланиши. Йўғон
ичакнинг дискинетик (ҳаракатнинг бузилиши) хасталиги. Бунда ичак дам
бўлиб, қулдирайди, пардага ўхшаш шиллиқ нарсалар ажралиб туради ва
ичак тортишиб оғрийди. Бемор зарур жойда (туалетда) узоқ муддат
ўтириб қолишга мажбур бўлади.
Касаллик ўткир ёки сурункали бўлиши мумкин. Унинг оғир хилида
баъзан қон томирлари ҳам зарарланса, нажасда шилимшиқлар билан бирга
баъзан қон-йиринг аралаш бўлиши мумкин.
ЭНТЕРОКОЛИТ - ингичка ва йўғон ичак шиллиқ каватининг
яллиғланиши. Касалликнинг кечиши ва белгилари юқоридагидек.
ГАСТРОЭНТЕРОКОЛИТ - белгилари юкорида кўрсатилганидек.
БАВОСИЛ (проктит) - тўғри ичак шиллиқ каватининғ оғирроқ
жароҳатланиши, яллиғланиши, ҳатто қон томирлари ва нервларининг
зарарланиши билан кечади. Кўпинча, касаллик улғая борса жарроҳлик
(операция) йўли билан даволанади. Орқа томонда, айниқса зарур жойга
(туалетга) борганда, оғриқ қон-йиринг аралаш шилимшиқлар ажралиши
билан кечади. Руҳиятни, киши кайфиятини бузади.