Ўзбекистон республикаси олий ва ўрта махсус таълим вазирлиги заҳириддин муҳаммад бобур номидаги

Key words: region, entrepreneurship, foreign investment enterprises, economic 
geographical process, business environment. 
Минтақаларда тадбиркорлик фаолиятини йўлга қўйиш ва ривожлантириш ҳар бир 
ҳудуднинг ички имкониятларига бевосита боғлиқдир. Хусусан бунда ҳудудларнинг 
табиий, иқтисодий ва ижтимоий имкониятлари асосий омиллардан саналади. Бугунги 
кунда ҳукуматимиз томонидан иқтисодиётнинг ушбу соҳасига катта эътибор берилиб, 
кўплаб чора-тадбирлар ишлаб чиқилмоқда. Мамлакат минтақаларида тадбиркорлик 
муносабатларини самарали ривожлантириш ва ҳудудий ташкил қилиш, уларнинг 
минтақалар иқтисодиётидаги аҳамиятини ошириш борасида иқтисодий сиёсат олиб 
борилмоқда. Миллий иқтисодиёт тармоқларини ривожлантиришда турли кўринишдаги 
тадбиркорлик фаолиятларини ривжлантириш асосий вазифалардан саналади. Минтақалар 
иқтисодий географик вазиятини шаклланиши ва тадбиркорлик мухтини ривожланишида 
хорижий инвестиция иштирокидаги корхоналар фаолияти ва уларнинг ҳудудий ташкил 
этилиши ҳам муҳим кўрсаткичлар хисобланади[1,-48 б]. Бу борада Ўзбекистон 
Республикаси Президенти Ш.Мирзиёев таъкидлаганидек “...юқори технологиялар, илм-
фаннинг 
энг 
сўнгги 
ютуқларига 
асосланган 
техника 
ва 
асбоб-ускуналарни 
мамлакатимизга олиб келиш ва жорий этиш учун уларга муносиб шароитлар яратиш 
бизнинг биринчи галдаги вазифамиз бўлиши шарт. Керак бўлса, хориждаги етакчи 
компания ва ташкилотларда тажриба орттириши, ўзаро манфаатли ҳамкорлик қилиши 
учун уларга ҳар томонлама имконият туғдириб беришимиз лозим.” [2] 
2017 йилда Наманган вилоятида жами 103 та Хорижий капитал иштирокидаги 
фаолият кўрсатаётган корхоналар мавжуд бўлиб, улардан 71 таси қўшма корхоналар 
тоифасига мансуб хисобланади. 
Хорижий капитал иштирокидаги корхоналарнинг асосий қисми Наманган шаҳри ва 
Уйчи, Наманган, Поп, Чуст, Косонсой, Чортоқ туманлари ҳиссаларига тўғри келади. Энг 
кам хорижий инвестиция иштирокида ташкил этилган корхоналар эса Мингбулоқ, Норин, 
Учқўрғон ва Янгиқўрғон туманлари ҳиссаларига тўғри келади (1-жадвал). Бу эса мазкур 
ҳудудларда хорижий ҳамкорлар билан ишлашни, инвестициялар жалб этиш борасида 
амалга оширилиши лозим бўлган ишларни янада ривожлантиришни талаб этади. 
Вилоятида 2017 йилнинг ўзида 17 та хорижий капитал иштирокидаги корхоналар ташкил 
этилган бўлиб, шулардан асосий қисми Наманган шаҳри (7 та), Косонсой (2 та), Поп (3 
та), Тўрақўрғон (2 та) туманларида жойлаштирилган. Шунингдек, Уйчи, Учқўрғон ҳамда 
Янгиқўрғон туманларида ҳам биттадан шундай корхоналар барпо этилган.
1-жадвал