8-мавзу. Бинтли боғламларнинг турлари ва уларни қўйиш қоидалари (1 соат)
Тананинг турли қисмлари боғлам қўйиш усуллари. Шахсий боғловчи пакетдан фойдаланиш қоидалари.
9-мавзу. Шошилинч ҳолатларда жабрланганларга ва ноадекват ҳолатидаги жабрланганларга биринчи тиббий ёрдам кўрсатиш (2 соат)
Ўткир юрак-қон етишмовчилигида, гипертоник криз, қандли диабет комаси ва бронхиал астма хуружида биринчи тиббий ёрдам кўрсатишнинг хусусиятлари. Заҳарланишнинг кўриниши, аломатлари ва биринчи тиббий ёрдам кўрсатиш. Қорин бўшлиғи органлари ўткир касалланишларининг кўриниши. Психик реакциялар ва ноадекват ҳолатлар. Тутқаноқ тутиши.
10-мавзу. ЙТҲда жабрланувчиларни даволаш муассасасига транспортировка қилишнинг ўзига хослиги (1 соат)
Жабрланувчиларни замбилда ташиш қоидалари. Жабрланувчиларни қўлда ташишусуллари. Турли хилдаги шикастланишларда ташишнинг ўзига хос хусусиятлари. Ташишда вужудга келиши мумкин бўлган турли хил жароҳатларнинг олдини олиш.
11-мавзу. Тиббий қутичадан фойдаланиш қоидалари (1 соат)
Тиббий қутичанинг таркиби. Тиббий қутича таркибидаги воситалардан фойдаланиш.
“Биринчи ёрдам кўрсатиш”
фанининг ишчи дастурига илова
Таълим олувчи қуйидагиларни билиши ва бажара олиши керак:
Оғиз бўшлиғини тозалаш техникаси ва юқори нафас олиш йўлларининг ўтказиш қобилиятини тиклаш.
Сунъий нафас олдириш: “оғиздан-оғизга”, “оғиздан-бурунга” ва ҳаво ўтказгич мосламасидан фойдаланиш усулларини.
Бир ёки иккита қутқарувчи ёрдамида юракни ёпиқ массаж қилиш техникасини.
Пульсни уйқу, билак ва сондаги артериялар ёрдамида аниқлаш усулларини.
Кўз қорачиғининг ҳолатини ва кўз қорачиғинингнурга нисбатан реакциясини аниқлашни.
Қон оқишини бармоқ билан босиб, сиқиб боғловчи боғламни қўйиб, тирсак ва тизза бўғинларини максимал букиб тўхтатиш усулларини.
Жгут ва боғловчи-жгут қўйиш усулларини. Жгутни белгиланган жойга қўйишни.
Артерияни (елка, уйқу, ўмровости, қўлтиқости, сондаги керакли нуқтада) бармоқ билан вақтинча босиб, қон оқишини тўхтатишни.
Бурун ичига тампон тиқишни.
Ярани бирламчи тозалашнинг босқич ва усулларини.
Бинтли боғламларни қўйиш усуллари.
Тананинг турли аъзоларига бошоқсимонли, бурамали, сопқонсимонли, тошбақали, окклюзионли ва бошқа хилдаги бинтли боғламларни қўйишни.
Дезо шаклли боғлам қўйиш усулини.
Тананинг турли аъзоларига учбурчак рўмол шаклли боғлам қўйиш усулини.
Пневмотораксда герметик боғлам қўйишни.
Шахсий боғловчи пакетни қўйиш техникасини.
Ўмров, елка, билак, панжа, сон, болдир суяги ва тўпиқ синганда стандарт шиналар ҳамда қўл остидаги воситалар ёрдамида транспорт иммобилизациясини қўйиш техникасини.
Ўмуртқа ва тос суяклари, қорин бўшлиғидаги органлар шикастланганда, кўп қовурғаларнинг синишида ҳамда бош лат еганда транспорт иммобилизациясини қўйиш техникасини.
Турли хил шикастланишда замбилга ётқизиш техникасини ва ташиш қоидаларини.
Шикастланганларни тасмалар ёрдамида ташиш техникасини.
Бир ёки иккита қутқарувчи бўлганида шикастланганларни қўл ёрдамида ташишни.
Қўл остидаги воситалар ёрдамида шикастланганларни ташиш техникасини.
ЙТҲ оқибатида шикастланганнинг кийимларини ечиш тартибини.
Мотоциклчининг бош кийимини хавфсиз ечишни.
Мотоэкипировкани, ҳимоя воситаларини ва мотопойабзални ечишни.
Do'stlaringiz bilan baham: |